महत्वाच्या बातम्या

महाविजय २०२४ चे लक्ष्य गाठण्यासाठी सुपर वॉरीयर्सनी सज्ज व्हावे : हंसराज अहीर

- कोअर कमिटी व सुपर वॉरीयर्स यांचेशी संवाद

विदर्भ न्यूज एक्सप्रेस

प्रतिनिधी / चंद्रपूर (यवतमाळ) : विकसीत व सामर्थ्यशाली भारत घडविण्याची ताकद प्रधानमंत्री नरेंद्र मोदी यांच्या प्रभावी व दूरदृष्टी असलेल्या नेतृत्वात असल्याने महाविजय २०२४ चे लक्ष्य गाठण्यासाठी व देशाचे नेतृत्व पुन्हा एकदा मोदीजींच्या हाती सोपविण्यासाठी प्रत्येक बुथवर ५० टक्के मतदान हे लक्ष्य दृष्टीपथात ठेवून सुपर वॉरीयर्सनी आपल्या जबाबदारीला न्याय द्यावा अशी सुचना चंद्रपूर-वणी-आर्णी लोकसभा क्षेत्र समन्वयक राष्ट्रीय मागासवर्गीय आयोगाचे अध्यक्ष तथा पुर्व केंद्रीय गृह राज्यमंत्री हंसराज अहीर यांनी केली.

२३ डिसेंबर रोजी वणी विधानसभा क्षेत्राच्या कोअर कमिटी पदाधिकारी व सुपर वॉरीयर्सना ते संबोधीत होते. सदर बैठकीस भाजपा जिल्हाध्यक्ष तारेंद्र बोर्डे, विजय चोरडीया, दिनकर पावडे, विजय पिदुरकर, किशोर बावने, बंडु चांदेकर, संजय पिंपळशेंडे, मंगला धाकडे, ममता अवताडे, शंकर लालसरे, ज्ञानेश्वर चिकटे प्रभृती उपस्थित होते. यावेळी हंसराज अहीर यांनी विकसित भारत रथ कार्यक्रमाच्या नियोजनाचा आढावा घेतला.

सुपर वॉरीयर्स तसेच बुथ संबंधात माहिती घेतली. पक्षीय कार्यकमाच्या अंमलबजावणी विषयी माहिती घेतांनाच उपयुक्त सुचना केल्या. हंसराज अहीर यांनी आर्णी विधानसभा कोअर कमिटीची पांढरकवडा येथे बैठक घेवून संघटनात्मक कार्य तसेच प्रदेश भाजपाद्वारा दिलेल्या कार्यकमाच्या प्रभावी अंमलबजावणीबाबत सर्वांनी परिश्रमपुर्वक कार्य करून केंद्र व राज्य सरकारच्या योजनांचा लाभ प्रत्येक पात्र व्यक्तीपर्यंत पोहचेल असे नियोजन करीत लोकांमध्ये जागृती निर्माण करण्याचे कार्य करावे, असे आवाहन केले.

यावेळी संतोष चिंतावार, आनंद वैद्य, किशोर देशट्टीवार, मदन जिड्डेवार, बंटी जुआरे, गुड्डू शुक्ला, विपिन राठोड मोहन कन्नाके, स्वप्नील मंगळे, बाळु हमंद, ॲड. मुत्तलवार, दयानंद सोयाम, दिलीप मुथा, शंकर समृतवार यांच्यासह अन्य पदाधिकारी उपस्थित होते.