बि.आर.सी. मुलचेरा येथे पार पडले अध्ययन प्रक्रिया व्यवस्थापन व सीसीई प्रशिक्षण
विदर्भ न्यूज एक्सप्रेस
तालुका प्रतिनिधी / मुलचेरा : मुलचेरा येथे जिल्हा शिक्षण व प्रशिक्षण संस्था, गडचिरोली तथा गटसाधन केंद्र, मुलचेरा यांच्या संयुक्त विद्यमाने १३ ते १९ डिसेंबर २०२३ या कालावधीत गटसाधन केंद्र मूलचेरा येथे तालुकास्तरीय अध्ययन प्रक्रिया व्यवस्थापन व सातत्यपूर्ण सर्वंकष मूल्यमापन प्रशिक्षण सत्राचे आयोजित करण्यात आले होते.
पाच दिवस चाललेल्या प्रशिक्षणात एकूण ५३ प्रशिक्षणार्थिंनी सहभाग घेतला होता. प्रशिक्षणाचे आयोजक गटशिक्षणाधिकारी नेताजी मेश्राम यांच्या हस्ते दुसऱ्या टप्प्यातील प्रशिक्षणाचे उद्घाटन करण्यात आले. नियमित चाललेल्या प्रशिक्षणाला विलास श्रीकोंडावार, अश्फाक शेख, राजेश नागपूरकर, विद्या भोयर, अमर पालारपवार यांनी पाच दिवसीय प्रशिक्षणात मोलाचे सहकार्य केले.
सदर प्रशिक्षणाचे सुलभक लक्ष्मण रत्नम, मधुकर वनकर व जगन्नाथ बिस्वास यांनी पाच दिवसीय प्रशिक्षणाचे सुलभन केले. एकंदरीत आनंददायी वातावरणात हे प्रशिक्षण पार पडले.
News - Gadchiroli