सिंदेवाही तालुक्यातील गिरगाव येथील शेतकऱ्याच्या मुलाने केंद्रीय शस्त्र पोलीस फोर्स मध्ये असिस्टंड कमांडन्ट पदावर मारली मजल


विदर्भ न्यूज एक्सप्रेस 
तालुका प्रतिनिधी /  सिंदेवाही :
चंद्रपूर जिल्ह्यातील सिंदेवाही तालुक्यातील नवरगाव येथून जवळच असलेल्या गिरगाव या छोट्याशा खेडेगावातील शेतकऱ्याच्या  मुलाने यूपीएससी परीक्षा उत्तीर्ण करीत केंद्रीय शस्त्र पोलीस फोर्स मध्ये असिस्टंड कमांडन्ट ( डीवायएसपी) या पदावर मजल मारली आहे. त्याच्या या यशामुळे आता ग्रामीण भागातील शेतकऱ्यांची मुलं ही स्पर्धा परीक्षेत मागे नाहीत हे  दाखवून दिले . उमाकांत भैय्याजी गिरडकर असे या यशस्वी तरुणाचे नाव असून सिंदेवाही तालुक्यातील नागरिकांकडून त्यांचेवर अभिनंदनाचा वर्षाव होत आहे . 
उमाकांत हा गिरगाव येथील रहिवासी असून वडील शेतकरी आहेत . त्याचे प्राथमिक शिक्षण जिल्हा परिषद शाळा गिरगाव व व नवरगाव येथील भारत विद्यालयात झाले असून तो  बी.टेक. झाला आहे. यानंतर त्याने पुणे येथे जाऊन यूपीएससी परिक्षेची तयारी केली. २०१८ मध्ये झालेल्या यूपीएससी परीक्षेत उमाकांत  २२० रँक मिळवून उत्तीर्ण झाला . त्याची निवड केंद्रीय शस्त्र पोलीस फोर्स मध्ये डीवायएसपी पदावर झाली आहे .



  Print






News - Chandrapur | Posted : 2019-08-03






Related Photos