महत्वाच्या बातम्या

खासदार अशोक नेते यांच्या नेतृत्वाखाली भाजपा ओबीसी मोर्चा ची बैठक संपन्न

विदर्भ न्यूज एक्सप्रेस

प्रतिनिधी / गडचिरोली : भारतीय जनता पार्टी ओबीसी मोर्चाचे प्रभारी डॉक्टर आशिष देशमुख भाजपा ओबीसी मोर्चा प्रदेशाध्यक्ष संजय गाते यांच्या सूचनेनुसार ओबीसी मोर्चा महाराष्ट्र प्रदेश संयोजिका डॉ. उज्वला हाके यांचा प्रथमच गडचिरोलीत दौरा आयोजित केला होता. अशोक नेते खासदार गडचिरोली चिमूर लोकसभा क्षेत्र यांच्या प्रमुख उपस्थितीमध्ये गडचिरोली येथील विश्रामगृहामध्ये भाजपा ओबीसी मोर्चा चे संघटन वाढीच्या संदर्भात बैठकीचे आयोजन करण्यात आले.

अशोक नेते यांनी आपल्या मार्गदर्शनामध्ये ओबीसी समाज हाच भाजपाचा खरा मतदार आहे. ओबीसी समाजाला जर खरा न्याय कोणी दिला असेल तर ते भारतीय जनता पार्टीने गेल्या साठ वर्षांमध्ये काँग्रेसच्या काळात ओबीसी समाजाला. त्यांच्या विकास पासून काँग्रेस सरकारने वंचित ठेवले. महाराष्ट्र राज्याचे माजी मुख्यमंत्री देवेंद्र फडणवीस यांनी आपल्या कार्यकाळात ओबीसी विकास मंत्रालय ची स्थापना केली तर आपल्या देशाचे लोकप्रिय पंतप्रधान सन्माननीय नरेंद्रजी मोदी यांनी २०१८ मध्ये ओबीसी मंत्रालयाला संविधानात्मक दर्जा दिला एवढेच नाही तर ओबीसी समाजाच्या विकासासाठी अनेक योजना कार्यान्वित केल्या.

डॉ. उज्वला हाके भाजपा ओबीसी मोर्चा महाराष्ट्र संयोजिका यांनी ओबीसी समाजाच्या संघटनात्मक बांधणीसाठी प्रत्येक ओबीसी बांधवांनी प्रयत्न केले पाहिजे . तसेच आपल्या देशाचे विश्वगुरू लोकप्रिय पंतप्रधान नरेंद्र मोदी यांनी नववर्षाच्या कार्यकाळामध्ये ज्या, लोकोपयोगी, लोकाकल्याणकारी, लोकविकासात्मक, योजना केल्या त्यांची माहिती ओबीसी समाजापर्यंत पोहोचविण्याचे कार्य प्रत्येक कार्यकर्त्यांनी केले पाहिजे, असे विस्तृत मार्गदर्शन त्यांनी केले. तसेच ओबीसी समाजाच्या संघटनात्मक बांधणीसाठी डॉ. संगीता राऊत भाजपा ओबीसी मोर्चा महाराष्ट्र प्रदेश सदस्य यांची पूर्व ओबीसी मोर्चा पूर्व विदर्भ संयोजिका म्हणून नियुक्ती करण्यात आली अशोक नेते, खासदार गडचिरोली चिमूर लोकसभा क्षेत्र तसेच डॉ. उज्वला हाके यांच्या हस्ते नियुक्त पत्र देऊन पुढील वाटचालीसाठी त्यांना शुभेच्छा देण्यात आल्या.

बैठकीला उपस्थित ओबीसी मोर्चा जिल्हाध्यक्ष अनिल पोहनकर, भाजपा जिल्हा महामंत्री योगिता पिपरे, भाजपा महिला मोर्चा जिल्हाध्यक्ष गीता, हिंगे, भास्कर भुरे ओबीसी मोर्चा जिल्हा महामंत्री मंत्री, रवींद्र गोटेफोडे ओबीसी मोर्चा तालुकाध्यक्ष, अरुण नैताम, कान्होजी लोहंबरे, सुधाकर पेटकर, कीर्ती कुमार मासुरकर, श्रीकांत पतरंगे, पुष्पा करकाडे, प्रीती कश्यप, कविता उरकुडे, अलका पोहनकर इत्यादी बहुसंख्य ओबीसी पदाधिकारी उपस्थित होते.