महत्वाच्या बातम्या

नागपूर हिवाळी अधिवेशनात सर्वांसाठी शेतीचे धोरण घोषित करा अन्यथा नक्षलवादी बनण्याची परवानगी द्या : भाई जगदीशकुमार इंगळे

- बिगर सातबारा शेतकरी संघटनेचे प्रणेते तथा दलित पॅंथरचे केंद्रीय कार्याध्यक्ष भाई जगदीशकुमार इंगळे यांची पत्रकार परिषदेतून मागणी.

विदर्भ न्यूज एक्सप्रेस
प्रतिनिधी / नागपूर : दलित आदिवासी भूमिहीन ओबीसी यांच्या कब्जात असलेल्या महसूल व वन जमिनीसाठी हिवाळी अधिवेशनात शासन निर्णय निर्गमित करा अन्यथा नक्षलवादी बनण्याची परवानगी द्या. अशी मागणी संघटनेच्या वतीने पत्रपरिषदेत करण्यात आली. तात्कालीन सरकारने सर्वांसाठी घरे २०२२ च्या धोरणाची अंमलबजावणी करण्यासाठी निवासी अतिक्रमणे नियमांनुसार करण्यासाठी शासन निर्णय निर्गमित केला त्याच धर्तीवर विद्यमान सरकारने सर्वांसाठी शेती २०२४ चे धोरण घोषित करून शेतीचे अतिक्रमणे नियमानुक्त करण्यासाठी शासन निर्णय घेणे अक्षम्य प्रमाणात दुर्लक्ष करीत असल्याचा आरोप भाई इंगळे यांनी केला.

जर नागपूर हिवाळी अधिवेशनात शासन निर्णय निर्गमित झाला नाही तर आम्हाला नक्षलवादी नक्षलवादी बनण्याची परवानगी द्या. अशी मागणी केली असून येत्या १२ डिसेंबर पासून यशवंत स्टेडियम येथे बेमुदत धरणे आंदोलन आयोजित करण्यात आले. अशी माहिती सांगितली. शेतकरी संघटनेचे प्रदेशाध्यक्ष विलास पवार, राजेंद्र नाईकवाडे, कायदेविषयक सल्लागार दया, रमीया लोखंडे, शंकरजी तुकाराम, उपस्थित होते.