भामरागड, अहेरी , आरमोरी पं.स. ला मिळाले नवीन हातपंप दुरूस्ती पथक वाहन


विदर्भ न्यूज एक्सप्रेस
प्रतिनिधी / गडचिरोली
: जिल्हा परिषदेच्या ग्रामीण पाणीपुरवठा विभागांतर्गत अहेरी, भामरागड आणि आरमोरी येथील हातपंप देखभाल दुरूस्ती पथकांचे वाहन जुने झाल्याने वारंवार बिघाड येत होता. यामुळे हातपंप देखभाल व दुरूस्ती करतांना अडचणींचा सामना करावा लागत होता. यामुळे ग्रामस्थांना पाण्यासाठी भटकंती करण्याची पाळी आली होती. ही बाब लक्षात घेत जिल्हा परिषदेच्या ग्रामीण पाणीपुरवठा विभागाच्या वतीने तिन्ही पंचायत समितीच्या हातपंप देखभाल दुरूस्ती पथकाला वाहने उपलब्ध करून देण्यात आली आहेत. वाहनांचे आज हस्तांतरण करण्यात आले.
यावेळी जि.प. अध्यक्षा योगिताताई भांडेकर, जिल्हा परिषदेचे उपाध्यक्ष अजय कंकडालवार, कृषी व पशुसंवर्धन सभापती नाना नाकाडे, अतिरीक्त मुख्य कार्यकारी अधिकारी फरेंद्र कुतीरकर, मुख्य लेखा तथा वित्त अधिकारी विकास सावंत, चामोर्शी पंचायत समिती चे सभापती आनंद भांडेकर, कोरची पं.स. च्या सभापती कचरीबाई काटेंगे, यांत्रिकी उपअभियंता श्रीकांत माटे, शाखा अभियंता संजय खोकले, कनिष्ठ अभियंता भजनराव पदा तसेच विभागांतर्गत कार्यरत लक्ष्मण अनल, सुनिल वाघमारे, राहुल खोब्रागडे, किरण लाडे, अविनाश तुरे, तुळशिराम नैताम, संदिप आयतुलवार, भास्कर इजगिरवार आदी उपस्थित होते.

 



  Print






News - Gadchiroli | Posted : 2019-07-25






Related Photos