महत्वाच्या बातम्या

 विभागीय क्रीडा स्पर्धेत लोकबिरादरी आश्रम शाळेचा डंका


- भामरागड प्रकल्पाला मिळाली पंधराव्यांदा विजेतेपदाची ट्राॅफी

- मुन्नी मडावीला स्पर्धेतील उत्कृष्ट खेळाडू गौरव

विदर्भ न्यूज एक्सप्रेस 

तालुका प्रतिनिधी / भामरागड : अप्पर आयुक्त आदिवासी विकास विभाग नागपूर अंतर्गत शासकीय व अनुदानित आश्रम शाळांच्या विभागीय क्रीडा स्पर्धा, देवरी जि. गोंदिया येथे २ ते ४ डिसेंबर २०२३ दरम्यान पार पडल्या. सदर स्पर्धेत लोकबिरादरी आश्रम शाळा, हेमलकसा येथील खेळाडू विद्यार्थ्यांनी वैयक्तिक व सांघिक क्रीडा स्पर्धेत भामरागड प्रकल्पाचे प्रतिनिधित्व करीत घवघवीत यश संपादन केले. खेळाडू विद्यार्थ्यांच्या यशामुळे भामरागड प्रकल्पाला सलग पंधराव्यांदा विभागीय विजेतेपदाची ट्राॅफी हस्तगत करता आली. त्यातच लोकबिरादरी आश्रम शाळा, हेमलकसा येथील मुन्नी मडावी हिला उत्कृष्ट खेळाडू म्हणून सायकल देऊन गौरविण्यात आले. वैयक्तिक व रिले स्पर्धेत लोकबिरादरी आश्रम शाळा, हेमलकसा येथील विद्यार्थ्यांचा डंका वाजत होता हे विशेष

महाराष्ट्र शासनाच्या आदिवासी विकास विभागा अंतर्गत दरवर्षी शासकीय व अनुदानित आश्रम शाळांच्या विद्यार्थ्यांसाठी राज्यस्तरापर्यंत क्रीडा स्पर्धा घेण्यात येतात. केंद्र, प्रकल्प, विभाग व राज्यस्तरीय स्पर्धा होतात. यावर्षी आक्टोबर- नोव्हेंबरला केंद्र व प्रकल्प स्तरीय क्रीडा स्पर्धा घेण्यात आल्या. २ ते ४ डिसेंबर २०२३ दरम्यान गोंदिया जिल्ह्यातील देवरी येथे विभागीय क्रीडा स्पर्धा पार पडल्या नागपूर विभागातील नागपूर, वर्धा, चंद्रपूर, भंडारा, चिमूर, गडचिरोली, देवरी, अहेरी, भामरागड या नऊही प्रकल्पातील आश्रम शाळेतील विद्यार्थ्यांनी सहभाग घेतला होता. यामध्ये भामरागड प्रकल्प अव्वल ठरला. 

लोकबिरादरी आश्रम शाळेतील प्राविण्य प्राप्त विद्यार्थी -

१४ वर्षे वयोगट- (मुली) साक्षी वाचामी- १०० मी. प्रथम, २०० मी. द्वितीय, ४०० मी. द्वितीय, ४+१०० रिले- प्रथम. अस्मिता मज्जी- ४०० मी. प्रथम, ६०० मी. प्रथम, ४+१०० रिले- प्रथम. सोनी पुंगाटी- ४+१०० मी. रिले- प्रथम. रिद्धी पुंगाटी- ४+१०० रिले- प्रथम.

१४ वर्षे वयोगट- (मुले)- दिपक दुर्वा- १०० मी. तृतीय, २०० मी. द्वितीय, ४+१०० रिले- प्रथम. अरुण मज्जी- २०० मी. द्वितीय, ४+१०० मी. रिले- प्रथम. सुरज दुर्वा- ४०० मी. द्वितीय, ६०० मी.- प्रथम, ४+१०० मी. रिले- प्रथम. ईश्वर मोड्यामी- ४०० मी. तृतीय, ६०० मी. द्वितीय, ४+१०० रिले- प्रथम.

१७ वर्षे वयोगट (मुली)- रोशनी माडकामी- ४०० मी. प्रथम, ८०० मी. द्वितीय, ४+१०० व ४+४०० रिले- प्रथम. रितीका मडावी- ८०० मी. १५०० मी. ३००० मी. ४+११० व ४+४०० रिले सर्व प्रथम. पंचफुला आत्राम- ४+१०० मी. रिले प्रथम. वनिता मडावी-३००० मी. चालणे प्रथम, ४+१०० व ४+४०० रिले प्रथम. सपना मडावी-गोळाफेक-प्रथम-प्रथम.  

१७ वर्षे वयोगट (मुले)- मनोज मज्जी- २००, ४००, ८००, ४+१०० व ४+४०० मी. सर्व प्रथम. विलास मेट्टामी- २००, ४००, ८०० सर्व द्वितीय, ४+१०० व ४+४०० मी. रिले प्रथम. महेंद्र मज्जी- भालाफेक- प्रथम, ४+१०० व ४+४०० मी. रिले प्रथम. एकनाथ दुर्वा- ५००० मी चालणे प्रथम.

१९ वर्षे वयोगट (मुली)- लाली ऊसेंडी- १०० मी. द्वितीय २०० मी. प्रथम, ४०० मी. प्रथम, ४+१०० व ४+४०० मी. प्रथम. जमुना मज्जी- ४०० मी. द्वितीय, ४+१०० मी. रिले प्रथम. मुन्नी मडावी- ८००, १५००, ३००० मी. ४+१०० व ४+४०० रिले प्रथम. लक्ष्मी पुंगाटी- १५०० व ३००० मी. द्वितीय, ४+१०० व ४+४०० रिले द्वितीय. अश्विनी मिच्छा- ४+४०० रिले प्रथम. चेतना माडकामी- ३००० मी. चालणे प्रथम. अर्चल नरोटी- भालाफेक- प्रथम.

१९ वर्षे वयोगट (मुले)- साईनाथ पुंगाटी- ८००, १५००, ३००० मी. प्रथम. रोशन विडपी- ८०० मी. द्वितीय, रविंद्र सडमेक- ४+४०० द्वितीय, दिनेश तलांडी- ४+४०० मी. रिले द्वितीय. प्राविण्य प्राप्त केले. सर्व विद्यार्थ्यांना क्रीडा शिक्षक विवेक दुबे व सुरेश गुट्टेवार यांचे मार्गदर्शन लाभले.

सुप्रसिद्ध जेष्ठ समाजसेवक डॉ. प्रकाश आमटे व डॉ. मंदाकिनी आमटे, लोकबिरादरी प्रकल्पाचे संचालक अनिकेत आमटे, मुख्याध्यापक श्रीराम झोडे तथा सर्व शिक्षकांनी प्राविण्य प्राप्त विद्यार्थ्यांचे कौतुक करून राज्यस्तरीय स्पर्धेसाठी शुभेच्छा दिल्या.





  Print






News - Gadchiroli




Related Photos