महत्वाच्या बातम्या

 हिवाळी अधिवेशनाच्या पार्श्वभूमीवर विविध संघटनांची जनतेच्या आमदारांकडे धाव


- हिवाळी अधिवेशनात गोंदिया जिल्ह्याच्या विविध प्रश्नांना वाचा फोडण्याचा प्रयत्न : आमदार विनोद अग्रवाल

विदर्भ न्यूज एक्सप्रेस 

प्रतिनिधी / गोंदिया : महाराष्ट्र विधानसभेचे हिवाळी अधिवेशन ७ डिसेंबर २०२३ पासून नागपूर येथे भरविण्यात येणार आहे. सदर अधिवेशन १४ दिवस चालणार असून हिवाळी अधिवेशनात आपल्या मागण्या मांडण्यासाठी गोंदिया जिल्ह्यातील विविध कर्मचारी संघटनांनी जनतेच्या आमदाराकडे धाव घेतली असून आपल्या मागण्या मांडल्या आहेत. 

यात महाराष्ट्र राज्य ग्रामीण जीवनोन्नती अभियान अंतर्गत अभियानात ग्रामसंघ आणि प्रभागसंघ हा महत्त्वाचा दुवा असून त्यांचे मानधन वाढविण्यात यावे. अशी मागणी राज्य कार्यकारिणी संघटनेच्या सदस्यांनी आमदार विनोद अग्रवाल यांच्याकडे केली आहे. सोबतच महाराष्ट्र राज्य ग्रामपंचायत संगणक परिचालक कर्मचारी संघटनेच्या सदस्यांनी सुध्दा आमदार विनोद अग्रवाल याना विविध मागण्यांचे निवेदन सादर केले आहे. काही दिवसांपूर्वी जागृती विकास मंचच्या पदाधिकाऱ्यांनी विजेचे दर कमी करण्यात यावे म्हणून आमदार विनोद अग्रवाल यांना निवेदन दिले होते. 

राष्ट्रीय आरोग्य अभियान कंत्राटी अधिकारी कर्मचारी समायोजन कृती समिती जिल्हा गोंदिया च्या वतीने काही मागण्या पुढे ठेवण्यात आल्या आहे. तसेच आंदोलन स्थळी आमदार विनोद अग्रवाल यांनी भेट घेतली होती. पोलीस शिपाई भरती सुरू करण्यासाठी जिल्ह्यातील युवकांनी आमदार विनोद अग्रवाल यांची भेट घेतली होती. आमदार विनोद अग्रवाल यांनी सर्वांचे निवेदन स्वीकारून हिवाळी अधिवेशनात मागण्या उचलून धरणार असल्याची ग्वाही दिली आहे. तसेच अवकाळी पावसामुळे झालेले नुकसान भरपाई आणि धानाला बोनस तसेच प्रोत्साहन राशि मधे वाढ करण्याची मागणी देखील आमदार विनोद अग्रवाल आगामी हिवाळी अधिवेशनात करणार आहेत.





  Print






News - Gondia




Related Photos