महत्वाच्या बातम्या

मराठा- कुणबी, कुणबी- मराठा जात प्रमाणपत्र देण्याच्या प्रक्रियेमध्ये आवश्यक व अनिवार्य कागदपत्रे सादर करावे

विदर्भ न्यूज एक्सप्रेस

प्रतिनिधी / गडचिरोली : गडचिरोली जिल्ह्यातील सर्व जनतेस आवाहन करण्यात येते की, मराठवाड्यातील मराठा समाजास मराठा –कुणबी, कुणबी-मराठा जात प्रमाणपत्र देण्याच्या प्रक्रियेमध्ये आवश्यक व अनिवार्य निजामकालीन पुरावे, वंशावळी, शैक्षणिक पुरावे, महसुली पुरावे, निजामकाळात झालेले करार, निजामकालीन संस्थानिकांनी दिलेल्या सनदी, राष्ट्रीय दस्ताऐवज इत्यादी पुराव्यांची वैधानिक व प्रशासकीय तपासणी करण्याबाबत तसेच तपासणीअंती पात्र व्यक्तींना मराठा-कुणबी , कुणबी–मराठा जात प्रमाणपत्र देण्याची कार्यपद्धती विहित करण्यासाठी, सामान्य प्रशासनविभाग, क्रमांक : मआसु -२०२३/प्र.क्र.०३/१६-क, १७ सप्टेंबर २०२३ च्या शासन निर्णनयान्वये न्यायमुर्ती संदिप शिंदे(निवृत्त) यांचे अध्यक्षतेखाली गठीत समितीने १५ सप्टेंबर २०२३ रोजी संपन्न झालेल्या बैठकीमध्ये सर्व जिल्ह्यातील विविध प्रकारच्या अभिलख्यांची तपासणी करण्याचे निर्देश दिलेले आहेत.

त्या अनुषंगाने, गडचिरोली जिल्ह्यातील विविध विभागांशी समन्वय साधणे, अभिलेखे उपलब्ध करुन घेऊन त्यांची छाननी करणे, कुणबी जातीच्या नोंदी असलेले अभिलेखे वेगळी करुन त्याबाबत विहित नमुन्यातील अहवाल विभागीय आयुक्त, नागपुर व समितीस कालमर्यादेत सादर करणेकरीता निवासी उपजिल्हाधिकारी सुनिल सुर्यवंशी यांच्या अध्यक्षतेखाली खालील प्रमाणे विशेष कक्ष स्थापित करण्यात आला आहे. त्यामध्ये उपमुख्यकार्यकारी अधिकारी (पंचायत), जिल्हा परिषद, गडचिरोली, पोलीस उपअधिक्षक, (गृह), गडचिरोली सहजिल्हा निबधक, नोंदणी व मुद्रांक, गडचिरोली, उपअधिक्षक भुमी अभिलेख, कोरची, कुरखेडा, देसाईगंज, आरमोरी, गडचिरोली, धानोरा, चामोर्शी, मुलचेरा, अहेरी, एटापल्ली, भामरागड, सिरोंचा शिक्षणाधिकारी (प्राथमिक), जिल्हापरिषद, गडचिरोली, शिक्षणाधिकारी (माध्यमिक), जिल्हा परिषद, गडचिरोली अधिक्षक, राज्य अबकारी कर, गडचिरोली, संशोधन अधिकारी तथा सदस्य सचिव, जिल्हा जात प्रमाणपत्र पडताळणी समिती, गडचिरोली, सहाय्यकआयुक्त, समाज कल्याण, गडचिरोली, जिल्हा प्रशासन अधिकारी, नगरपरिषद प्रशासन विभाग, गडचिरोली, उपअधिक्षक (कारागृह), गडचिरोली, जिल्हा कारागृह, गडचिरोली जिल्हा सैनिक कल्याण अधिकारी, गडचिरोली ( सर्वसदस्य).

त्या अनुषंगाने आपणाकडे उपलब्ध असलेले कुणबी जातीचे पुरावे, वंशावळी, शैक्षणिक व महसूली पुरावे, संस्थानिकांनी दिलेल्या सनदा, राष्ट्रीय दस्ताऐवज इ. जुनी अभिलेखे समितीस, जिल्हाधिकारी कार्यालय गडचिरोली येथिल स्थापित (मराठा आरक्षण कक्ष) विशेष कक्षात जमा कराव्यात. असे निवासी उपजिल्हाधिकारी, गडचिरेाली यांनी कळविले आहे.