छत्तीसगडमधील चकमकीत एका नक्षलवाद्याचा खात्मा


वृत्तसंस्था / रायपूर :   सुकमा जिल्ह्यात डीआरजीच्या जवानांबरोबर झालेल्या चकमकीत एक लाखाचे बक्षीस असलेल्या  एका नक्षलवाद्याचा खात्मा झाला आहे. सुकमाचे एसपी शालभ सिन्हा यांनी ही माहिती दिली आहे. मदकम हिदमा  असे नक्षल्याचे नाव आहे . तो माओवाद्यांच्या ग्रामीण पार्टीच्या समितीचा सचिव म्हणून काम करीत होता अशी माहिती आहे. 
नक्षलविरोधी मोहीमेचे उप महानिरीक्षक पी सुंदरराज यांनी सांगितले की, रायपूरपासून जवळपास ५०० किलोमीटर अंतरावरील बिरभट्टी गावाजवळील जंगलात डीआरजीचे पथक शोध मोहीमेवर निघालेले असताना, या भागात दडलेल्या नक्षलींकडून जवानांवर गोळीबार सुरू करण्यात आला. ज्यानंतर दोन्ही बाजूंनी गोळीबारास सुरूवात झाली. जवानांनी केलेल्या गोळीबारानंतर नक्षलींनी जंगलात पळ काढला. गोळीबार थांबल्यानंतर घटनास्थळी एका नक्षलवाद्याचा मृतदेह आढळून आला, शिवाय अन्य शस्त्र देखील जप्त करण्यात आले.  यानंतर जवानांनी परिसरात शोधमोहीम सुरू ठेवली आहे.



  Print






News - World | Posted : 2019-07-23






Related Photos