चिखलाने माखलेल्या रस्त्यावरून भरधाव एसटी घसरल्याने अपघात : ५ प्रवासी जखमी


विदर्भ न्यूज एक्सप्रेस 
प्रतिनिधी / गोंदिया :
चिखलाने माखलेल्या रस्त्यावरून भरधाव एसटी घसरून झालेल्या अपघातात पाच प्रवासी किरकोळ जखमी झाल्याची घटना आज सकाळी सात वाजता घडली. जखमींमध्ये चार किशोरवयीन मुलांचा समावेश आहे. 
तिरोडा आगाराची एमएच ४०–९८७४ या क्रमांकाची एसटी बस पहिल्या फेरीसाठी सुकडीहून तिरोड्याकडं निघाली होती. मलपुरी ते गराडा दरम्यान रस्त्यावर पसरलेल्या चिखलामुळे ही बस रस्त्यावरून घसरू लागली. चालकानं वेळीच नियंत्रण न मिळवल्यानं ही गाडी रस्त्यावरून उतरली. यात ५ प्रवासी किरकोळ जखमी झाले. राज बिसेन (१३), बाळापूर, समुर बिसेन (१३) डोंगरगाव, तारेंद्र रहांगडाले (१३) डोंगरगाव, हिमानी उके (१३) सुकडी व अन्य एकाचा समावेश आहे. 
अपघातग्रस्त एसटीत एकूण ३५ जण प्रवास करीत होते. दरम्यान, एसटी आगाराला कळवूनही दोन तासांपर्यंत मदतीसाठी वाहन पाठविण्यात आले नव्हते. याबाबत प्रवाशांनी तीव्र संताप व्यक्त केला आहे. 



  Print






News - Gondia | Posted : 2019-07-21






Related Photos