महत्वाच्या बातम्या

 मधकेंद्र योजनेसाठी अर्ज करण्याचे आवाहन


विदर्भ न्यूज एक्सप्रेस 
प्रतिनिधी / नागपूर : महाराष्ट्र राज्य खादी व ग्रामोद्योग मंडळामार्फत मधकेंद्र योजना संपूर्ण राज्यात कार्यान्वित झालेली आहे. योजनेसाठी अर्ज करण्याचे आवाहन करण्यात आले आहे.
या योजनेमध्ये सहभागी होण्यासाठी पुढीलप्रमाणे पात्रता आवश्यक आहे.

वैयक्तिक मधपाळ पात्रता :- अर्जदार साक्षर असावा. स्वतःची शेती असल्यास प्राधान्य. वय १८ वर्षापेक्षा जास्त.

केंद्रचालक प्रगतिशील मधपाळ :- व्यक्ती पात्रता किमान १० वी पास, वय २१ वर्षीपेक्षा जास्त अशा व्यक्तीच्या नावे किमान १ एकर किंवा त्या व्यक्तीच्या कुटुंबातील कोणत्याही व्यक्तीच्या नावे किमान १ एकर शेतजमीन किंवा भाडेतत्वावर घेतलेली शेतजमीन व लाभार्थीकडे मधमाशापालन प्रजनन व मध उत्पादनाबाबतीत लोकांना प्रशिक्षण देण्याची क्षमता व सुविधा असावी.

केंद्रचालक संस्था पात्रता :- संस्था नोंदणीकृत असावी संस्थेच्या नावे अथवा भाडे तत्वावर घेतलेली किमान १००० चौ.फुट सुयोग्य इमारत असावी. संस्थेकडे मधमाशापालन, प्रजनन व मध उत्पादणा बाबतीत लोकांना प्रशिक्षण देण्याची क्षमता असावी.

अटी व शर्ती- लाभार्थी निवड प्रक्रियेनंतर प्रशिक्षणापुर्वी मध व्यवसाय सुरू करणेसंबधी मंडळास बंधपत्र लिहून देणे अनिवार्य राहील. मंडळाने निश्चित केलेल्या ठिकाणी प्रशिक्षण घेणे अनिवार्य. अधिक माहितीसाठी जिल्हा ग्रामोद्योग अधिकारी महाराष्ट्र राज्य खादी व ग्रामोद्योग मंडळ उद्योग भवन ६ वा माळा सिव्हिल लाईन नागपूर पी.के. आसोलकार मधुक्षेत्रिक मो नं.९४२११११६६५ या क्रमांकावर संपर्क साधावा. 





  Print






News - Nagpur




Related Photos