दारूच्या नशेत इसमाची गळफास घेऊन आत्महत्या


विदर्भ न्यूज एक्सप्रेस 
प्रतिनिधी / अमिर्झा  :
गडचिरोली तालुक्यातील   मरेगांव - चांभार्डा  मार्गावर अमिर्झा लगतच हाकेच्या अंतरावर असलेल्या शेत शिवारात मरेगांव येथील एका इसमाने दारूच्या नशेत मोहाच्या झाडाला गळफास घेऊन आत्महत्या केली आहे. रविंद्र दयाराम ऊइके  (४०) रा. मरेगाव असे आत्महत्या केलेल्या इसमाचे नाव आहे. 
 प्राप्त माहितीनुसार  रविंद्र दयाराम ऊइके  याने  दारूच्या धीन जाऊन आत्महत्या केली आहे. रविंद्र ऊइके याला दारूचे व्यसन असल्याने  सतत घरच्यांकडे पैशाची मागणी करत असायचा . घरात रविंद्र ऊइके याच्या व्यतिरिक्त कमावणारा कुणीही नसल्याने ऐन तारुण्यात प्रवेश केलेल्या मुलावर घर सांभाळण्याची जबाबदारी येऊन ठेपली होती. त्यामुळे वडिलांच्या सततच्या दारूच्या नशेत घरी येऊन आई, आजी, बहीण यांच्याकडे पैशाची मागणी करण्यामुळे मुलगा कंटाळला होता.  यामुळे  अधून मधून घरी वाद होत असत.
 रोजच्या प्रमाणेच  आज १८ जुलै  रोजी सकाळी ११ वाजताच्या  दरम्यान रविंद्र ऊइके  याने घरच्यांकडे दारू पिण्याकरिता पैशाची मागणी केली. घरच्यांनी पैसे देण्यास नकार दिल्याने  त्याने स्वतःचे को-ऑफरेटीव्ह बँक अमिर्झा येथील बँकेचे असलेले खातेबुक सोबत घेऊन घरातून काढता पाय घेतला. वडील कुठे गेले या काळजीने त्यांच्या मुलाने को-ऑफरेटीव्ह बँक अमिर्झा गाठले असता वडील बँकेत येऊन गेल्याची  माहिती मुलास मिळाली. पण वडील घरी न पोहचल्याने मुलाने वडिलांचा शोध घेण्यास सुरूणात केली.  शोध घेतांना  वडील अमिर्झा येथील बाजार पेठेतूनच एक नायलानची एक दोरी घेऊन १२.०० ते १.०० वाजताच्या दरम्यान मरेगाव-चांभार्डा या गावांच्या परतीच्या मार्गातच अमिर्झा येथील शेतशिवारात मोहाच्या झाडाला गळफास घेऊन आत्महत्या केल्याचे निदर्शनास आले.
 रविंद्र ऊइके याच्या मृत्यू मागचे कारण शोधण्याकरिता घटनास्थळावर पोलिस दाखल झाले असून पुढील तपास गडचिरोली पोलिस ठाण्याचे पोलीस उपनिरीक्षक किरण देशमुख, श्रीराम करकाडे व सुनिल बेसरकर हे  करीत आहेत.



  Print






News - Gadchiroli | Posted : 2019-07-18






Related Photos