भंडारा जिल्हा होणार जलयुक्त , १२ हजार हेक्टर जमिन येणार सिंचनाखाली


- हत्तीडोई प्रकल्पाच्या अडचणी होणार दूर 
- धारगांव उपसा सिंचनचा पहिल्या टप्याचे सर्वेक्षण करुन प्रस्ताव  १५ दिवसात सादर करण्याचे पालकमंत्री डॉ. परिणय फुके यांचे निर्देश
विदर्भ न्यूज एक्सप्रेस 
प्रतिनिधी / भंडारा :
जिल्हयातील धारगांव उपसा सिंचन प्रकल्पातील पहिल्या टप्याचे काम  गतिमान करण्यासाठी ‍सात महिन्यापुर्वी शासनाने निर्देश दिले होते. मात्र या कामांना गती नसल्याचे पालकमंत्री डॉ. परिणय फुके यांच्या लक्षात आले यावरुन आज  17 जुलै  रोजी मंत्रालयाच्या दालनात  जलसंपदा, मदत पुनर्वसन, सार्वजनिक बांधकाम, गोसेखुर्द प्रकल्पाचे कार्यकारी अभियंता यांची बैठक घेण्यात आली. या बैठकीमध्ये पालकमंत्री डॉ. परिणय फुके यांनी तात्काळ सर्वेक्षण करुन 15 दिवसात प्रस्ताव सादर करण्याचे निर्देश दिले. विदर्भ सिंचन विकास महामंडळाचे कार्यकारी संचालक यांना धारगांव उपसा सिंचन टप्पा-1 व टप्पा-2 याबद्दल सुध्दा युध्द पातळीवर कार्यवाही करण्याबाबत सुचना देण्यात आल्या. शासनाकडे प्रलंबित बाबींवर तातडीने निर्णय घेवून प्रकल्पांचे कामकाज सुरु होईल यादृष्टीने कार्यवाही करावी असे निर्देश पालकमंत्री डॉ.फुके यांनी दिले.
या प्रकल्पामुळे भंडारा जिल्हयातील जवळपास 12000 हेक्टर जमीन सिंचनाखाली येणार आहे. यामध्ये शेकडो गावांना फायदा होणार आहेत. यामध्ये जवळपास 1 लाख पेक्षा जास्त शेतकरी आपली शेती ओलीत करुन भरघोस उत्पन्न घेवू शकेल. तसेच भंडारा जिल्हयाची ओळख ही जलयुक्त जिल्हा म्हणून ओळखले जाणार. या प्रकल्पाला पालकमंत्री यांनी गती दिल्यामुळे शेतकऱ्यांमध्ये उत्साहाचे वातावरण निर्माण झाले आहे. 
या प्रकल्पांसोबतच गोसेखुर्द धरण प्रकल्पावरील हत्तीडोई उपसा सिंचन उपसा सिंचन प्रकल्पास मंजुर प्रदान करण्यासंदर्भात येणाऱ्या अडचणी दूर करुन येत्या 15 दिवसात कार्यवाही करण्याबाबत सुध्दा स्पष्ट सुचना देण्यात आल्या.
या बैठकीमध्ये प्रामुख्याने भंडाराचे आमदार ॲड. रामचंद्र अवसरे,  सुर्वे,कार्यकारी संचालक, विदर्भ सिंचन विकास महामंडळ,  मुलाणी अवर सचिव, महसूल व वन विभाग,  विजयश्री बुराडे, कार्यकारी अभियंता, गोसेखुर्द पुनर्वसन प्रकल्प,   राजेंद्र बेले, शाखा अभियंता,  ज.मो. शेख, शाखा अभियंता,  धरणे, उप सचिव, जलसंपदा आदि वरिष्ठ अधिकारी उपस्थित होते.



  Print






News - Bhandara | Posted : 2019-07-17






Related Photos