सी - ६० पथकाने केला कुंडम जंगल परिसरात नक्षल कॅम्प उध्वस्त


विदर्भ न्यूज एक्सप्रेस
प्रतिनिधी / गडचिरोली :
एटापल्ली तालुक्यातील हालेवारा पोलिस मदत केंद्राच्या हद्दीतील कुंडूम जंगल परिसरातील नक्षल कॅम्प सी - ६० च्या पथकाने उध्वस्त केला आहे. सदर घटना आज ११ जुलै रोजी सकाळी ९.३०  ते १० वाजताच्या सुमारास घडली.
सी - ६० पथकाचे जवान नक्षलविरोधी अभियान राबवित असताना नक्षल्यांनी पोलिस पथकाच्या दिशेने गोळीबार केला. जवानांनी स्वसंरक्षणार्थ व प्रत्युत्तरादाखल गोळीबार केला. पोलिसांचा वाढता दबाव पाहून नक्षली घनदाट जंगलात पळून गेले. घटनेनंतर परिसराची पाहणी केली असता नक्षल्यांचे २५ ते ३० पिट्टू, डिटोनेटर, कॅमेरा, फ्लॅश, मल्टीमिटर व मोठ्या प्रमाणात दैनंदिन वापराचे साहित्य आढळून आले आहेत. घटनास्थळावरील परिस्थितीवरून नक्षल्या त्या ठिकाणी तळ ठोकून मोठी कारवाई करण्याच्या तयारीत असल्याचे दिसून आले. पोलिसांच्या सतर्कतेमुळे नक्षल्यांचे मनसुबे उधळल्या गेले आहेत. घटनेनंतर परिसरात नक्षलविरोधी अभियान तिव्र करण्यात आले आहे.

 



  Print






News - Gadchiroli | Posted : 2019-07-11






Related Photos