विधानसभा निवडणुकीच्या पार्श्वभूमीवर भाजपाची २१ जुलै रोजी राज्य कार्यकारिणीची बैठक


वृत्तसंस्था / मुंबई :  राज्यात लवकरच विधानसभेच्या निवडणुकांचे बिगुल वाजणार आहे. या पार्श्वभूमीवर  २१ जुलै रोजी भाजपाच्या राज्य कार्यकारिणीची बैठक पार पडणार आहे. मुख्यमंत्री देवेंद्र फडणवीस यांच्या उपस्थितीत  मुंबईतील गोरेगाव येथे असलेल्या नेस्को संकुलात ही  बैठक पार पडेल.
 या बैठकीत राज्यभरातील भाजपाचे कार्यकर्ते आणि पदाधिकारी उपस्थित राहणार आहेत. तसेच या बैठकीदरम्यान मुख्यमंत्री देवेंद्र फडणवीस विधानसभा निवडणुकीचे रणशिंग फुंकण्याचीही शक्यता आहे. आगामी विधानसभा निवडणुकांच्या पार्श्वभूमीवर आता सर्वच पक्षांच्या बैठकांना वेग आला आहे.  काही दिवसांपूर्वीच मुख्यमंत्र्यांनी राज्यात २२० पेक्षा अधिक जागा जिंकणार असल्याचा विश्वास व्यक्त केला होता. लोकसभा निवडणुकीत राज्यात शिवसेना भाजपने एकत्र निवडणूक लढवण्याचा निर्णय घेतला होता. आम्ही आणि शिवसेना पक्ष प्रमुख उद्धव ठाकरे यांनी एकत्र प्रचार करत राज्यातील ४८ पैकी ४१ जागांवर विजय मिळवला. आता आगामी विधानसभा निवडणुकीतही शिवसेना आणि भाजप एकत्र निवडणूक लढवणार असून २२० पेक्षा अधिक जागांवर विजय मिळवू, असा दावा मुख्यमंत्री देवेंद्र फडणवीस केला होता.  



  Print






News - Rajy | Posted : 2019-07-11






Related Photos