जांभुळखेडा येथील भूसुरूंगस्फोटाचा तपास राष्ट्रीय तपास यंत्रणेकडे


विदर्भ न्यूज एक्सप्रेस 
प्रतिनिधी / गडचिरोली :
माओवाद्यांनी घडवून आणलेल्या जांभूळखेडा येथील पुलावरील भूसुरूंगस्फोटाचा तपास राष्ट्रीय तपास यंत्रणेकडे (एनआयए) देण्यात आला आहे. तपासासाठी एनआयएची चमू गडचिरोलीत दाखल झाली असून घटनास्थळाचीही त्यांनी पाहणी केली.
३० एप्रिलच्या रात्री रात्री माओवाद्यांनी कुरखेडा तालुक्यातील दादापूर(रामगड) येथील रस्त्याच्या कामावरील २७ वाहने व अन्य यंत्रसामग्री जाळली होती. त्यानंतर दुसऱ्या दिवशी १ मे रोजी जांभूळखेडा-लेंडारी गावादरम्यान असलेल्या नाल्याच्या पुलावर माओवाद्यानी भूसुरुंगस्फोट घडविला. यात १५ पोलिस शहीद तर एका खासगी वाहनचालकाचा मृत्यू झाला होता. या घटनेत आठ जणांना अटक करण्यात आली असून त्यांचा तपास सुरू आहे. त्यातच आता या घटनेचा तपास एनआयएकडे देण्यात आला आहे. भूसुरूंगस्फोटासंबंधीचे महत्वाचे दस्तावेज व माहिती ही चमू गोळा करीत आहे. जिल्हा पोलिसांकडे सध्या या घटनेचा तपास आहे. दोन-तीन दिवसांत राष्ट्रीय तपास यंत्रणेकडे तपासासंबंधीचे सर्व दस्तावेज सुपूर्द करण्यात येणार आहेत.



  Print






News - Gadchiroli | Posted : 2019-07-07






Related Photos