महत्वाच्या बातम्या

अंमली पदार्थांची वाहतुक करणाऱ्या दोन अट्टल गुन्हेगारांना स्थानिक गुन्हे शाखेकडून अटक

- अंदाजे २० लाखाचे M. D. (मॅफेड्रान) पॉवडर जप्त

विदर्भ न्यूज एक्सप्रेस
प्रतिनिधी / चंद्रपूर : अंमली पदार्थांची वाहतुक करणाऱ्या दोन अट्टल गुन्हेगारांना स्थानिक गुन्हे शाखेकडून अटक आहे. किंमत १९ लाख ८० हजार चे M. D. (मॅफेड्रान) पॉवडर अंमली पदार्थासह २८ लाख ०२ हजार ७०० रू चा मुद्देमाल जप्त केला आहे.

पोलीस अधीक्षक चंद्रपूर यांचे आदेशाने स्थानिक गुन्हे शाखा मार्फत अवैध अंमली पदार्थ दारू, शस्त्रे, जुगार पैसे यांचे विरोधात राबविलेल्या विशेष मोहीमे दरम्यान ३० ऑक्टोबर २०२३ रोजी स्थानिक गुन्हे शाखा कार्यालय चंद्रपूर येथे उपस्थित असताना गुप्त बातमीदारामार्फत खबर मिळाली की, दोन इसम खाजगी कारने नागपुर वरून एम. डी. ड्रग्ज पॉवडर विक्री करीता सोबत बाळगुन पडोली चौक येथे येणार आहे.

सदर माहिती वरीष्ठांना देवुन सदर माहिती वरून पोलीस स्टेशन पडोली हद्दीत थांबुन असताना एक चार चाकी वाहन ज्याचा क्रमांक एमएच-३४ - बीआर-५९५१ ही नागपुर कडुन चंद्रपूरच्या दिशेने येतांना दिसली. सदर चारचाकी वाहनास थांबवुन झडती घेतली असता, ड्रायव्हरचे सिटचे बाजुला बसलेला इसम शाहरूख मतलब खान (२८) वर्ष रा. शालीकग्राम नगर घुग्घुस यांचे हातातील थैलीमध्ये पांढन्या मुरकट रंगाचे पॉवडर M. D. (मॅफेड्रान) वजन १९८ ग्राम किंमत १९ लाख ८० हजार /- रू तसेच त्याचे ताब्यातील कारची झडती घेतली असता त्यामध्ये एक लोखंडी तलवार किंमत अंदाजे ५००/- रु. मिळुन आले.

सदर कार्यवाही दरम्यान दोन्ही आरोपी शाहरूख मतलब खान (२८) वर्ष रा. शालीकग्राम नगर घुग्घुस ता. जि. चंद्रपूर, साहील ईजराइल शेख (२८) वर्ष रा. शालीकग्राम नगर घुग्घुस ता. जि. चंद्रपूर यांचे ताब्यातून १९८ ग्राम एमडी पॉवडर किंमत १९ लाख ८० हजार /- , दोन नग विव्हो कंपनीची मोबाईल किंमत २० हजार /- रु, एक बलेनो कार एमएच-३४ - डीआर ५९५१ किंमत ८ लाख /- रू, आरोपीचे अंग झडतीत नगदी २ हजार २०० /- रू, एक लोखंडी तलवार किंमत ५०० /- रू असा एकूण २८ लाख ०२ हजार ७०० /- रू चा मुददेमाल जप्त करण्यात आला.

सदर दोन्ही आरोपींनी अटक करून पो स्टे पडोली अप क. ३१९/२०२३ कलम ८ (क). २१ (क) गुंगीकारक औषध द्रव्य आणि मनोव्यापारावर परिणाम करणारे पदार्थ अधिनियम १९८५ सकलम ४. २५ भारतीय शस्त्र अधिनियम अन्वये गुन्हा नोंद करण्यात आला. पुढील तपास स्थानिक गुन्हे शाखा येथील सपोनि नागेश चतरकर हे करीत आहे.

सदरची कार्यवाही पोलीस अधीक्षक, चंद्रपूर रविंद्रसिंह परदेशी, अपर पोलीस अधीक्षक चंद्रपूर श्रीमती रिना जनबंधु यांचे मार्गदर्शनाखाली स्थानिक गुन्हे शाखेचे पोलीस निरीक्षक महेश कोंडावार, सपोनि नागेश चतरकर, पोउपनि विनोद भुरले, पोउपनि अतुल कावळे, पोहवा धनराज करकाडे, स्वामीदास चालेकर, अजय बागेसर, प्रशांत नागोसे, भुषण बारसिंगे तसेच पो स्टे सायबर चे छगन जांभुळे, अमोल सावे, प्रशांत लारोकर यांनी केली आहे.