महत्वाच्या बातम्या

शासन आपल्या दारी कार्यक्रमाचा जिल्हाधिकारी योगेश कुंभेजकर यांनी घेतला आढावा

विदर्भ न्यूज एक्सप्रेस
प्रतिनिधी / भंडारा : जिल्ह्यात येत्या ७ नोव्हेंबर २०२३ रोजी शासन आपल्या दारी कार्यक्रम आयोजित करण्यात येण्याचे प्रस्तावित आहे. या अनुषंगाने पूर्वतयारी आढावा म्हणून सर्व विभाग प्रमुखांची बैठक जिल्हाधिकारी योगेश कुंभेजकर यांनी आज नियोजन सभागृहात घेतली.या कार्यक्रमाला मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, पालकमंत्री डॉ.विजयकुमार गावित व अन्य मंत्री उपस्थित राहणार आहेत.
यावेळी पोलीस अधिक्षक लोहित मतानी, मुख्य कार्यकारी अधिकारी समिर कुर्तकोटी, अति मुख्य कार्यकारी अधिकारी कमलाकर रणदिवे, उपजिल्हाधिकारी श्रीपती मोरे, निवासी उपजिल्हाधिकारी लिना फलके आदी अधिकारी उपस्थित होते.

या कार्यक्रमाच्या अनुषंगाने कायदा व सुव्यवस्था तसेच आयोजनात विविध विभागांची तयारी, तसेच विभागांचा सहभाग व अधिकाऱ्यांची जबाबदारी याविषयी जिल्हाधिकाऱ्यांनी निर्देश दिले.