महत्वाच्या बातम्या

विभागस्तरीय विज्ञान नाट्योत्सव स्पर्धेत गोंडवाना सैनिकी विद्यालयाचे सुयश

विदर्भ न्यूज एक्सप्रेस
प्रतिनिधी / गडचिरोली : नागपुर येथील संत उर्सुला गर्ल्स हायस्कूलमध्ये नुकत्याच झालेल्या विभागस्तारिय विज्ञान नाट्योत्सव स्पर्धेत स्थानिक गोंडवाना सैनिकी विद्यालयाने प्रभावी नाट्य सादर करीत स्पर्धेत द्वितीय क्रमांकाचे पारितोषिक पटकाविले.

महाराष्ट्र राज्य शासनातर्फे प्रादेशिक विद्या प्राधिकरण,नागपुर आणि राज्य विज्ञान व गणित शक्षण संस्था रविनगर नागपुर यांच्या वतीने सत्र २०२३-२४ करीता राष्ट्रीय विज्ञान नाट्योत्सव स्पर्धा विभागस्तारिय विज्ञान नाट्य स्पर्धेचे आयोजन नागपुर येथील संत उर्सुला गर्ल्स हायस्कूल सिविल लाइन नागपुर येथे करण्यात आले होते. यामध्ये नागपुर विभागातुन विविध संघाने सहभाग नोंदविला होता.

सदर नाट्य स्पर्धेमध्ये गोंडवाना सनिकी विद्यालयाच्या नाट्य चमुनी आपल्या कलेची चुणूक दाखवित नाट्यमधून समाजाच्या व एकंदरीत देशाच्या विकासाकारिता विज्ञान कसा उपयुक्त आहे. हे विज्ञान व तंत्रज्ञान या मुख्या विषयावर विज्ञान तंत्रज्ञान मानवाचा विकास या नाट्यप्रयोगाचे सादरीकरण करुण बालकलावंत कृष्णा तेलरांदे, सिद्धांत पाटिल, अंशुमन आक्केवार, अनुज गजभिये, नेहाल म्हशाखेत्री, अभय दास, नीलकमल सोमनकर, आकाश टेकाम, व कृष्णा आंबोरकर यांनी उपस्थित रसिक प्रेक्षकांचे मने जिंकत स्पर्धेत द्वितीय क्रमांकाचे पारितोषिक पटकविले.

विजेत्या चमुला शासनातर्फे रोख रक्कम १ हजार ५०० रुपये, पुष्पगुच्छ व प्रशस्तिपत्र परिक्षकांच्या हस्ते देवून गौरव करण्यात आले. नाटकाचे लेखन व दिग्दर्शन नरेन्द्र उंदीरवाडे यांनी केले तर निर्मिती देवेन्द्र म्हशाखेत्री यांनी केले. नाटकाला विशेष सहकार्य विद्यालायाचे प्राचार्य संजीव गोसावी, उपप्राचार्य ओमप्रकाश संग्रामे, पर्यवेक्षक अजय वानखेड़े यांचे लाभले.

विभागस्तारावर या मिळालेल्या या यशाबद्दल अन्न व औषध प्रशासन मंत्री तथा भगवंतराव मेमोरियल शिक्षण संस्था अहेरी चे सचिव धर्मरावबाबा आत्राम, भगवंतराव मेमोरियल शिक्षण संस्था अहेरिचे अध्यक्षा भाग्यश्री आत्राम(हलगेकर), संस्थेचे मार्गदर्शक रुतुराज हलगेकर, प्राचार्य संजीव गोसावी, उपप्राचार्य ओमप्रकाश संग्रामे, पर्यवेक्षक अजय वानखेड़े, यांनी व विद्यालयातील शिक्षक व शिक्षकेत्तर कर्मचारी यांनि सर्व विद्यार्थ्यांचे कौतुक व अभिनंदन केले आहे.