सिंदेवाही : रत्नापुर येथे भव्य महा रक्तदान शिबिराचे आयोजन
- श्री. गुरुदेव नवयुवक दुर्गा उत्सव मंडळाचा उपक्रम
विदर्भ न्यूज एक्सप्रेस
प्रतिनिधी / सिंदेवाही : सिंदेवाही तालुक्यातील रत्नापूर येथे श्री. गुरुदेव नवयुवक दुर्गा उत्सव मंडळ रत्नापूर यांचे वतीने दुर्गा मातेची स्थापना करून सतत नव दिवस समाजपयोगी जनउपयोगी शिबिर, कार्यक्रम उपक्रम राबवून हा उत्सव साजरा केला जातो. दरवर्षाला मंडळातर्फे रक्तदान शिबिर हा उपक्रम राबवून रक्त संकलन करून शासकीय आरोग्य यंत्रनेला मदत करीत आहेत. जवळपास सतत १८ वर्षापासून हा उपक्रम सुरू आहे. याहीवर्षी सोमवार २३ ऑक्टोबर २०२३ रोजी रक्तदान शिबिर आयोजित करून नवरात्रोत्सव साजरा करण्यात येणार आहे.
पवित्र नवमीच्या पर्ववार, महाआरती व महाप्रसाद दिनी २३ ऑक्टोबर २०२३ रोजी सायंकाळी ६.०० वाजेपासून दुर्गामाता चौक बसस्टॅण्ड येथे श्री. गुरुदेव नवयुवक दुर्गा उत्सव मंडळ रत्नापूर व सामान्य रुग्णालय चंद्रपूर यांचे संयुक्त विद्यमाने रक्तदान शिबिराचे आयोजन करण्यात आले असून, जिल्हा रुग्णालयाची चमू यावेळी उपस्थित राहणार आहे.
इच्छुक रक्तदात्यांनी मोठ्या संख्येने रक्तदान शिबिरात सहभागी होऊन रक्तदान करावे, असे आवाहन श्री. गुरुदेव नवयुवक दुर्गा उत्सव मंडळाचे अध्यक्ष व माजी जि. प सदस्य रमाकांत लोधे, मंडळाचे उपाध्यक्ष संजय गहाने, सचिव वामन जीवतोड़े, यांनी केलेले आहे.
News - Chandrapur