महत्वाच्या बातम्या

सिंदेवाहीचे महालक्ष्मी देवस्थान : भाविकांचे श्रध्दास्थान

- दर्शना करीता अनेक बाहेर जिल्ह्यातील लोक येत असतात दर्शनाला
- अनेकांनी स्वंयपूर्तीने केली मदत
- प्रसिध्द मंदीर मात्र दुर्लक्षित

विदर्भ न्यूज एक्सप्रेस
तालुका प्रतिनिधी / सिंदेवाही : सिंदेवाही - मुल या मुख्यमार्गालगत सिंदेवाही शहरापासून अवघ्या २ किलोमिटर अंतरावर महालक्ष्मीचे जागृत मंदीर आहे. या मंदीरात रोजच दर्शनासाठी भाविक येत असतात. नवरात्रात मोठी गर्दी असते. मार्गशिष महीण्यात अनेक भाविक परीसरात स्वंयपाक करीत असतात.
अशी आख्याईका आहे, की मंदिर परीसरातिल भागात पिंपळ आणि मोह या प्रचंड मोठ्या असलेल्या जोड वृक्षाच्या बुडाशी दगडाची एक कोरीव मुर्ती प्रचिन काळापासून होती. आख्याईके नूसार एके दिवशी एका नागरिकांच्या स्वप्नात येऊन द्रृष्ठांत दिला की, मला इथून हलवून योग्य ठिकाणी स्थापना कर त्यानूसार स्व.गोंविदभाई पटेल, हनुमंत तुम्मे यांच्या सहकार्याने व्यासपीठ तयार करुण त्यावर महालक्ष्मी मातेची विधीवत प्रतिष्ठापना करण्यात आली.

त्यानंतर मंदिराचे बांधकाम स्थानिक शंकरपट व्यवस्थापक कमिटीने मंदिराचे बांधकाम पुर्ण केले. मंगळवार व शुक्रवार या दिवशी भाविक मोठ्या प्रमाणात येतात देविचे नवरात्र, चैत्र नवरात्र या दिवसात घटस्थापना केली जाते. हिंदू धर्मातिल पहीला सन मंजे आखाडी, या आखाडी सनाचा पहिला आठवडी बाजार महालक्ष्मी मंदिर परीसरात भरविण्यात येतो. शेतातील पहीले पिक शेतकऱ्यांच्या हातात आलेल्या पिकाचे महालक्ष्मी देविला नैवेद्य दाखवण्याची परंपरा आहे.

दरवर्षी नवरात्र नंतर येणार्या दसर्याच्या दिवशी सिंदेवाही नगरवासी सांयकाळी महालक्ष्मीचे दर्शन घेऊन सीमोल्लंघनाचा विधी पार पाडतात.

वृध्द, तरुण, महिला, बालक सर्वांची या दिवशी देवीच्या दर्शनासाठी रांग लागलेली असते. या प्रसंगाला जणू यात्रेचे स्वरूप स्थळाला प्राप्त होते. या जागृत महालक्ष्मीचे महात्म्य प्राचीन काळापासून परिसरातील भाविकांच्या अंतःकरणावर उमटले आहे.

मंदीर परीसर वनराईने नटलेली असून दुतर्फा गुलमोहर झाडे रस्त्यांची व मंदिराची शोभा वाढवित आहे. फुलांनी बहरलेली गुलमोहरची झाडे व निसर्गरम्य सान्निध्य यामुळे या परिसराच्या मंगलमयता व आनंददायी वातावरणात मोठीच भर पडली आहे.