फेसबुक वरील मैत्री महागात, महिलेची बदनामी करीत पती, मुलाला ठार मारण्याची धमकी


- आरोपीवर गुन्हा दाखल 
विदर्भ न्यूज एक्सप्रेस 
प्रतिनिधी / नागपूर  :
फेसबुकवर अनोळखी व्यक्तीशी मैत्री करणे  नंदनवन येथील विवाहित महिलेला  चांगलेच महागात पडले आहे. मैत्रीचा गैरफायदा घेत आरोपीने  महिलेसोबतचे छायाचित्र सोशल मीडियावर अपलोड करून बदनामी केली. तसेच तिच्या पती आणि मुलाला जीवानिशी मारण्याची धमकी देऊ लागला. याप्रकरणी आरोपी  महेंद्र वाकोडे (४५) रा. अमरावती याच्यावर गुन्हा दाखल करण्या आला आहे. 
 महेंद्र आणि पीडित महिलेची  दीड वर्षापूर्वी फेसबुकवर मैत्री झाली. दरम्यान, महेंद्र या महिलेच्या घरी आला होता. त्यानंतर महिलेने महेंद्रशी बोलणे बंद केले. त्यावर महेंद्रने महिलेच्या मुलाचे भविष्य बरबाद करण्याबाबत व तिच्या पतीला जिवानिशी ठार मारण्याबाबतचे संदेश  पाठविले. तसेच त्याने त्याच्या फेसबुक प्रोफाइलवर महिलेसोबतचे फोटो अपलोड करून दोघांचेही लग्न झाल्याचे सांगितले. सोशल मीडियाद्वारे होत असलेल्या बदनामीला त्रस्त होऊन महिलेने पोलिसांत तक्रार नोंदविली. नंदनवन पोलिसांनी याप्रकरणी विनयभंगाचा गुन्हा नोंदविला आहे. 



  Print






News - Nagpur | Posted : 2019-06-27






Related Photos