१०८ रुग्णवाहिकेला घरघर, खासगी वाहनाने करावे लागते रुग्णांना रेफर


विदर्भ न्यूज एक्सप्रेस 
महादेव शिवरकर /  पवनी :
रुग्णांच्या सेवेकरिता चोवीस तास अविरत सेवा देण्याकरिता आपत्कालीन आरोग्य सेवा १०८ ही रुग्ण वाहिका राष्ट्रीय आरोग्य अभियाना अंतर्गत अस्तित्वात आणली. मात्र या रुग्णवाहिकेवर डॉक्टर नसल्यामुळे ग्रामीण रुग्णालय पवनी येथे चोवीस तास अविरत सेवा देण्यास असमर्थ ठरत आहे.
 या रुग्णवाहिकेचे मेंटेनन्स चे काम भारत विकास ग्रुप पुणे या कंपनीकडे देण्यात आले आहे. मात्र कंपनीच्या दुर्लक्षितपणामुळे मागील दोन महिन्यांपासून डॉक्टर नसतांनाही डॉक्टर उपलब्ध करण्यास असमर्थ ठरली असून आठवड्यातून चार दिवस फक्त बारा तास रुग्णवाहिका रुग्णाला उपलब्ध करून दिल्या जात आहे. राष्ट्रीय आरोग्य अभियाना अंतर्गत ही रुग्ण वाहिका ०  ते १०० वर्षे वयोगटातील विषजन्य, जळलेले रुग्ण,  अपघाती, प्रसूती, हृदय रोग,  बिपी, शुगर,  आणि अश्या प्रकारच्या अनेक रुग्णांना तात्काळ सेवा मिळावी या करिता एन एच एम अंतर्गत अत्याधुनिक औषधी साठसहित परिपूर्ण असलेली रुग्ण वाहिकेचो निर्मिती करण्यात आली.
 मात्र ग्रामीण रुग्णालय पवनी येथे अपघातात जखमी झालेल्या, गंभीर जखमी झालेल्या रुग्णांना सोमवार, मंगळवार, बुधवार, गुरुवार असे चार दिवस सकाळ पाळीत रुग्णवाहिका उपलब्ध होत असली तरी रात्रीला रुग्णवाहिका उपलब्ध होत नाही. तसेच शुक्रवार, शनिवार, रविवार या दिवशी पूर्णवेळ डॉक्टर अभावी रुग्णवाहिका बंद असते. अश्या वेळेस 108 ला फोन करून रुग्णवाहिकेची मागणी केल्यास पवनी पासून ४० किमी अंतरावर असलेल्या पालांदुर, लाखांदुर येथील रुग्णवाहिका पाठविल्या जाते मात्र ही रुग्णवाहिका वेळेवर उपलब्ध होत नसल्याने गंभीर रुग्णांना भंडारा, नागपूर अश्या ठिकाणी हलविण्याकरिता खासगी गाडीचा सहारा घ्यावा लागत असल्याने गरीब जनतेला आर्थिक भुर्दंड सहन करावा लागत आहे. अत्यावश्यक रुग्ण वाहिकेची सेवा अविरत मिळावी या करिता लोकप्रतिनिधी नि या बाबीकडे जातीने लक्ष घालण्याची अत्यांत गरज आहे.

 



  Print






News - Bhandara | Posted : 2019-06-23






Related Photos