शोपियानमध्ये दोन दहशतवाद्यांना कंठस्नान


वृत्तसंस्था / श्रीनगर :  जम्मू-काश्मीरच्या शोपियानमध्ये दोन दहशतवाद्यांना कंठस्नान घालण्यात सुरक्षा दलाला यश आलं आहे. दक्षिण काश्मीरच्या दरमदोरा परिसरात आज सकाळपासून चकमक सुरू असून यामध्ये दोन दहशतवादी ठार झाले आहेत, अद्यापही सुरक्षा दलाची शोधमोहीम सुरूच आहे.
शोपियानमध्ये दहशतवादी लपल्याची माहिती मिळताच सुरक्षा दलाने या ठिकाणी शोधमोहीम सुरू केली होती. लपलेल्या दहशतवाद्याने सुरक्षा दलावर गोळीबार केला. त्याला प्रत्युत्तर म्हणून सुरक्षा दलाने गोळीबार केला. यावेळी झालेल्या गोळीबारात २ दहशतवादी ठार झाले तर परिसरात अद्याप शोधमोहीम सुरू आहे. काश्मीरमध्य शुक्रवारपासून सुरक्षा दल आणि दहशतवादी यांच्यात चकमक पाहायला मिळत आहे. शनिवारी बारामुला जिल्ह्यात झालेल्या चकमकीत ‘जैश ए मोहम्मद’चा दहशतवादी ठार झाला होता त्यानंतर आज पुन्हा एकदा दोन दहशतवाद्यांना ठार करण्यात यश आलं आहे.



  Print






News - World | Posted : 2019-06-23






Related Photos