जिल्ह्यातील माजी सैनिक/माजी सैनिक विधवांकरीता १५ ऑक्टोबर रोजी सैनिक रैलीचे आयोजन

विदर्भ न्यूज एक्सप्रेस

प्रतिनिधी / गडचिरोली : गडचिरोली जिल्ह्यातील सर्व माजी सैनिक/माजी सैनिक विधवा व अवलंबितांकरीता १५ ऑक्टोबर २०२३ रोजी सकाळी ०९.३० वाजता सुरेश भट्ट सभागृह रेशीमबाग ग्राउंड नागपूर येथे स्टेशन हेडक्वार्टर कामठीतर्फे सैनिक रैलीचे आयोजन करण्यात आले आहे.

रैलीमध्ये माजी सैनिक/माजी सैनिक विधवा यांचे करिता रेकार्ड ऑफिस तर्फे तक्रार केंद्र, ई.सी.एच.एस. स्टाल, मेडीकल स्टाल, सी.एस.डी स्टाल व इतर स्टाल लागणार आहेत. तरी जिल्ह्यातील माजी सैनिक/माजी सैनिक विधवा व अवलंबित यांनी जास्तीत जास्त संख्येने उपस्थित राहून सुविधांचा लाभ घ्यावा, असे आवाहन कैप्टन दिपक लिमसे, जिल्हा सैनिक कल्याण अधिकारी गडचिरोली यांनी केले आहे.