महत्वाच्या बातम्या

 १६ ऑक्टोबरला कोरची येथे लोकशाही दिनाचे आयोजन 


विदर्भ न्यूज एक्सप्रेस 

तालुका प्रतिनिधी / कोरची : कोरची तहसील कार्यालयात १६ ऑक्टोबर रोजी दुपारी १ ते २ वाजेपर्यंत लोकशाही दिनाचे आयोजन करण्यात आले आहे. लोकशाही दिनाकरिता कोरची तालुक्यातील नागरिकांकडून तक्रारी किंवा अर्ज मागविण्यात आलेले आहेत. तक्रार अर्ज दाखल केलेले नागरिक हे लोकशाही दिनात व्यक्तीशः सहभागी होतील. 

तालुकास्तरीय लोकशाही दिनातील अर्ज विहित नमुन्यात असावे, तालुका लोकशाही दिनात सादर करावयाचे निवेदन वैयक्तिक स्वरूपाचे असावे, तालुकास्तरी लोकशाही दिनाकरिता अर्जदाराचे अर्ज विहित नमुन्यात दोन प्रतीक पाठवणे आवश्यक राहील, तालुकास्तरीय लोकशाही दिनानंतर एक महिन्यात जिल्हाधिकारी गडचिरोली यांच्या लोकशाही दिनात अर्ज करता येईल. 

जिल्हाधिकारी गडचिरोली यांच्या लोकशाही दिनानंतर दोन महिन्यानंतर विभागीय आयुक्त यांच्या लोकशाही दिनात व विभागीय आयुक्तांच्या लोकशाही दिनानंतर दोन महिन्यांनी मंत्रालय लोकशाही दिनात अपील अर्ज सादर करता येईल. कोरची येथे १६ ऑक्टोबर रोजी होणाऱ्या लोकशाही दिनात नागरिकांनी सहभागी व्हावे, असे आवाहन तहसीलदार प्रशांत गड्डम यांनी केले आहे.





  Print






News - Gadchiroli




Related Photos