महत्वाच्या बातम्या

 ९ ऑक्टोबर ला एक दिवसीय रोजगार मेळावा


विदर्भ न्यूज एक्सप्रेस 

प्रतिनिधी / नागपूर : एक दिवसीय रोजगार मेळाव्याचे आयोजन जिल्हा कौशल्य विकास, रोजगार व उद्योजकता मार्गदर्शन केंद्र व नॅशनल करिअर सर्व्हिस यांच्या संयुक्त विद्यमाने ९ ऑक्टोबर रोजी करण्यात आले आहे.

रोजगार मेळाव्याचा लाभ घेण्यासाठी इच्छुक उमेदवारांनी स्वत:च्या सर्व शैक्षणिक कागदपत्रासह आधार कार्ड व फोटोकॉपीसह जिल्हा कौशल्य विकास, रोजगार व उद्योजकता मार्गदर्शन केंद्र, प्रशासकीय इमारत क्र.२, दुसरा माळा, सिव्हिल लाईन्स, नागपूर येथे सकाळी १० ते ५.३० या कालावधीत उपस्थित राहावे.

रोजगार मेळाव्याच्या माध्यमातून अश्पा ग्लोबल सर्विस, इनर्सोसेस सर्विस, साथ आऊटसोर्सिंग सर्विस यांच्यामार्फत जिल्ह्यातील उमेदवारांना रोजगाराच्या संधी उपलब्ध होणार आहेत. सेल्स एक्झिकेटीव्ह पात्रता दहावी, बारावी व पदवीधर, वयोमर्यादा- २० ते ३५ वर्ष, अनुभव-१ वर्षाचा आवश्यक असेल. लोन रिकव्हरी टीम लिडर पात्रता पदवीधर, वयोमर्यादा- २५ ते ३५ वर्ष, अनुभव-१ ते २ वर्ष. लोन रिकव्हरी एक्झिकेटीव्ह पात्रता दहावी व बारावी, वयोमर्यादा- १८ ते ३० वर्ष. असिंस्टंट मॅनेजर पात्रता पदव्युत्तर, वयोमर्यादा- १८ ते ३० वर्ष, अनुभव - २ ते ३ वर्षाचा असेल. रिक्रुटर पात्रता पदवीधर, वयोमर्यादा- १८ ते ३० वर्ष. सेल्स एक्झिकेटीव्ह (FMCG) पदवी परीक्षेस बसलेले  /  पदवीधर, वयोमर्यादा- १८ ते ३० वर्ष, अनुभव-३ वर्षाचा आवश्यक असेल. अकाऊंटंट पात्रता पदवी परीक्षेस बसलेले व पदवीधर, वयोमर्यादा- १८ ते ३० वर्ष, अनुभव- १ वर्ष. टेक्नीशियन पात्रता आयटीआय (फिटर/ इलेक्ट्रीशियन), वयोमर्यादा- १८ ते ३० वर्ष, अनुभव ३ वर्षाचा आवश्यक असेल. सेल्स एक्झिकेटीव्ह (FMCG)  व टेक्नीशियन या पदासाठी केवळ पुरुष उमेदवार पात्र तर इतर पदासाठी महिला व पुरुष पात्र असतील.

चांगले संभाषण कौशल्य असणाऱ्या व बाहेर राज्यांमध्ये नोकरी करण्यास इच्छुक उमेदवारांना प्राधान्य देण्यात येणार आहे. पात्रताधारक उमेदवारांनी या रोजगार मेळाव्यामध्ये जास्तीत जास्त संख्येने उपस्थित राहून रोजगार मेळाव्याचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त सुनंदा बजाज यांनी केले आहे.  





  Print






News - Nagpur




Related Photos