तेरा हजार रुपयांची लाच घेतांना ग्रामसेवकाला अटक
विदर्भ न्यूज एक्सप्रेस
प्रतिनिधी / बल्लारपूर : तक्रारदार कडून तेरा हजार रुपयांची लाच घेताना उमरी पोतदार ता. पोंभूर्णा येथील ग्रामसेवक देवानंद गेडाम यांना लाचलुचपत प्रतिबंधक विभागाने रंगेहात पकडले.
ग्रामपंचायत उमरी पोतदार येथे १५ व्या वित्त आयोगामधुन सन २०२१ - २०२२ मध्ये जिल्हा परिषद चंद्रपुर अंतर्गत योगा शेड चे बांधकामाचे अंदाजे कि ३ लाख ४९ हजार ३२१/- चे काम केलेले होते सदर योगा रोड बांधकामाकरिता लागलेल्या मटेरिअल व साहित्याचे पुरवठा चे २४४,५२५/- बिल ग्रामसेवक देवानंद गेडाम यांनी काढून दिल्यानंतर तक्रारदार यांनी उर्वरित मजुरांची रक्कम काढून देण्याकरिता ग्रामसेवक देवानंद गेडाम यांना भेटले. त्यांनी योगा रोड अदा किं. ३ लाख ४९ हजार ३२१/- रु. या कामावर पाच टक्के प्रमाणे १७ हजार ५००/- ची लाचेची मागणी केली. तक्रारदार यांना देवानंद गेडाम, ग्रामसेवक, उमरी पोतदार यांना लाच देण्याची त्यांची मुळीच इच्छा नसल्याने त्याचेविरुध्द लाचलुचपत प्रतिबंधक विभाग, कार्यालय चंद्रपूर येथे तक्रार दिली.
प्राप्त तक्रारीवरून आज दिनांक ०६ ऑक्टोबर २०२३ रोजी केलेल्या पडताळणी कार्यवाही दरम्यान आरोपी देवानंद मुरलीधर गेडाम, ग्रामसेवक, उमरी पोतदार यानी झालेल्या कामाचे पाच टक्के प्रमाण १७ हजार ५००/- रु. लाचेची मागणी करून तडजोडीअंती १३ हजार ०००/- रूपये स्विकारण्याची तयारी दर्शवली. त्यावरून ग्रामपंचायत कार्यालय उमरी पोतदार येथे पंचासमक्ष सापळा कार्यवाही दरम्यान आरोपी देवानंद गेडाम ग्रामसेवक, उमरी पोतदार यांना १३ हजार /-रु. लाच रक्कम स्विकारल्याने त्यांना रंगेहाथ पकडण्यात आले असुन पुढील तपास कार्य सुरु आहे.
सदरची कार्यवाही राहुल माकणीकर, पोलीस उपायुक्त / पोलीस अधिक्षक, ला.प्र.वि. नागपुर, संजय पुरंदरे, अप्पर पोलीस अधिक्षक ला वि नागपूर, तसेच पोलीस उपअधिक्षक श्रीमती मंजुषा भोसले ला.प्र.वि.चंद्रपूर यांचे मार्गदर्शनात जितेंद्र गुरनुले पोलीस निरीक्षक, तसेच कार्यालयीन स्टॉप पो.अ. संदेश वाघमारे, पो अ राकेश जाभुळकर, अमोल सिडाम, प्रदीप ताडाम यांनी यशस्वी पार पाडली आहे.
News - Chandrapur