पोरेड्डीवार विद्यालयातील रेंजर्सनी दिला स्वच्छतेचा संदेश
विदर्भ न्यूज एक्सप्रेस
प्रतिनिधी / गडचिरोली : गोगाव येथील श्रीमती सिंधुताई पोरेड्डीवार हायस्कूल तथा कनिष्ठ महाविद्यालयात स्वच्छ भारत अभियान कार्यक्रमांतर्गत स्वच्छता अभियान राबवून राष्ट्रपिता महात्मा गांधी यांना स्वच्छतांजली अर्पण करण्यात आली.
यावेळी श्रीमती सिंधुताई पोरेड्डीवार विद्यालयातील कल्पना चावला रेंजर पथकाने शाळेच्या बाहेरच्या परिसरात एक तास स्वच्छता मोहीम राबवली त्यात गोगाव बस स्थानक परिसरातील कचरा गोळा करून बस स्थानकावर असणाऱ्या दुकानदाराला स्वच्छतेचा संदेश देण्यात आला. दुकानदारांना दुकानाजवळ कचरापेटी ठेवण्याचे आवाहन करण्यात आले.
विद्यालयातील रेंजर लीडर प्रा. विजया मने यांच्या मार्गदर्शनाखाली ही मोहीम राबविण्यात आली. सर्व रेंजर्सनी यात उस्फूर्त सहभाग घेतला.
News - Gadchiroli