विजय वडेट्टीवार यांना विरोधी पक्षनेते करत आहोत त्यांना तरी हिरावून घेऊ नका : अजित पवार


वृत्तसंस्था / मुंबई :  महाराष्ट्र विधीमंडळाचे शेवटचे अधिवेशन आजपासून सुरू झाले.  पावसाळी अधिवेशनाच्या पहिल्याच दिवशी काँग्रेसचे विधीमंडळ पक्षनेते बाळासाहेब थोरात यांनी विजय वडेट्टीवार यांना विरोधी पक्षनेते म्हणून जाहीर करण्याची विनंती अध्यक्ष हरीभाऊ बागडे यांच्याकडे केली. त्यानंतर राष्ट्रवादीचे विधीमंडळ पक्षनेते अजित पवार यांनीही या मागणीचा पुनरुच्चार केला. 
सर्वांत आधी एकनाथ शिंदे विरोधी पक्षनेते झाले, मुख्यमंत्र्यांनी त्यांना आमच्यातून हिरावून घेतले. त्यानंतर राधाकृष्ण विखे पाटील यांना विरोधी पक्षनेते केले, त्यांनाही तुम्ही खेचून घेतले. आता आम्ही विजय वडेट्टीवार यांना विरोधी पक्षनेते करत आहोत. आता त्यांनाही तुम्ही घेऊन जाऊ नका, अशी विनंती अजित पवार यांनी केली.   अजित पवार यांच्या कोटीवर विरोधी पक्षांसह सत्ताधारी सदस्यही मनसोक्त हसले. अर्थमंत्री सुधीर मुनगंटीवार यांनी सरकारची बाजू सावरत म्हटले की, लोकशाहीमध्ये कुणालाही कोणत्याही पक्षात जाण्याचा अधिकार आहे. उद्या विजय वडेट्टीवार यांनी इच्छा व्यक्त केल्यास आम्ही त्यांच्या मागणीचा विचार करू, असे म्हणत फिरकी घेतली.  विजय वड्डेटीवार यांनी मुनगंटीवार यांची ऑफर धुडकावून लावत, मी एकदाच पक्ष बदलला आहे. त्यानंतर वारंवार निष्ठा बदलणे माझ्या स्वभावात नाही, असे सांगत राधाकृष्ण विखे पाटील यांचे नाव न घेता टोला लगावला. 

 



  Print






News - Rajy | Posted : 2019-06-17






Related Photos