महत्वाच्या बातम्या

रामकृष्णपूर येथील मामा तलाव मत्स्य व्यवसाय करिता लिलाव करू नये : नगरसेवक आशीष पिपरे

विदर्भ न्यूज एक्सप्रेस

तालुका प्रतिनिधी / चामोर्शी : चामोर्शी तालुक्यातील ग्रामपंचायत बहादुरपूर अंतर्गत रामकृष्णपुर येथे असलेल्या स्वातंत्र्याच्या इतक्या वर्षानंतर आजपर्यंत महसूल विभागाने मत्स्य व्यवसाय करिता लिलाव केला नाही.

परंतु नवीन तहसीलदार घोरुडे यांनी नुकताच महसूल विभागाचे वतीने पुढील पाच तारखेला या तलावाचे लिलाव काढलेला आहे. या बाबत आज मौजा रामकृष्णपुर येथील सरपंच रतन मंडल व ग्रामपंचायत सदस्य प्रशांत माल गावकरी बांधव यांनी नगर पंचायत चामोर्षी येथील नगरसेवक आशीष पिपरे यांच्या मार्फत तहसीलदार घारुडे यांना निवेदन दिले व सांगितले की, या वर्षी गावकऱ्यांनी स्वखर्चाने तलावात मत्स्य बीज टाकले आहे व मत्स्य सवर्धन करण्यासाठी भरपूर निधी खर्च केला आहे व यावर्षी या तलावाचे लिलाव केल्यास गावकऱ्यांचा खूप मोठा खर्च वाया जाणार आहे, त्यामुळे सदर तलावाचे लिलाव यावर्षी रद्द करण्यात यावे, अशी मागणी केली व सदर निवेदन गावकऱ्यांच्या वतीने उपविभागीय अधिकारी यांना सुद्धा आज देण्यात आला.

यावेळी प्रामुख्याने बाजार समिती माजी सभापती त्रीयुगी महाराज दुबे, सेवा सहकारी संस्था संचालक अशोक धोडरे, बंडू नैताम, रमेश अधिकारी व रामकृष्णपुर येथील स्थानिक नागरिक मोठया संख्येने उपस्थित होते.