आजारग्रस्त महिलेला विरोधी पक्षनेते वडेट्टीवार यांच्याकडून आर्थिक मदत
विदर्भ न्यूज एक्सप्रेस
प्रतिनिधी / सिंदेवाही : तालुक्यातील मोहाडी (नले) रेखा शेषराव नन्नावरे ही महिला दुर्धर आजाराने ग्रस्त आहे. घरची हलाखीची परिस्थिती लक्षात घेता या आजाराचा सामना करताना नन्नावरे कुटुंब आर्थिक विवंचनेत सापडले. ही बाब कृषी उत्पन्न बाजार समिती संचालक तथा काँग्रेस पदाधिकारी जानकीराम वाघमारे यांना माहिती होताच दुर्धर आजार ग्रस्त रेखा शेषराव नन्नावरे यांच्या आजाराबाबत राज्याचे विरोधी पक्षनेते तथा ब्रह्मपुरी विधानसभा क्षेत्र आमदार विजय वडेट्टीवार यांना लक्षात आणून दिली.
यावर विरोधी पक्षनेते विजय वडेट्टीवार यांनी मतदार संघातील प्रत्येक गंभीर आजारग्रस्तांना आजवर करण्यात येणाऱ्या आर्थिक मदतीच्या सहकार्यरूपी सेवेचे व्रत जोपासत नेहमीप्रमाणेच आपल्या कार्यकर्त्यांमार्फत दुर्धर आजारग्रस्त रेखा शेषराव नन्नावरे यांना आर्थिक मदत केली.
यावेळी प्रामुख्याने तालुका काँग्रेस कमिटी अध्यक्ष रमाकांत लोधे, कृषी उत्पन्न बाजार समितीचे संचालक जानकीराम वाघमारे, ग्रामपंचायत सदस्य प्रवीना घोडमारे, पराग दोडके, अतुल नन्नावरे, सुभाष पंचभाई, विजय मडावी उपस्थित होते.
News - Chandrapur