महत्वाच्या बातम्या

कुनघाडा (रै.) जि.प. केंद्र शाळेत राष्ट्रपिता महात्मा गांधी व लाल बहादूर शास्त्री यांची जयंती साजरी

विदर्भ न्यूज एक्सप्रेस

तालुका प्रतिनिधी / चामोर्शी : आज २ ऑक्टोबर २०२३ रोज सोमवार ला जि.प. उच्च प्राथमिक केद्र शाळा कुनघाडा (रै.) येथे राष्ट्रपिता महात्मा गांधी व आपल्या भारताचे दुसरे पंतप्रधान लाल बहाद्दूर शास्त्री जयंती साजरी करण्यात आली.

यावेळी कार्यक्रमाला उपस्थित शाळा व्यवस्थापन समितीचे अध्यक्ष पुरुषोत्तम सातपुते यांनी कार्यक्रमाचे अध्यक्षस्थान भूषविले. कार्यक्रमाला प्रमुख अतिथी म्हणून शाळा व्यवस्थापन समिती सदस्य रिंगनाथ चापडे, पालक उमेश गझलपेल्लीवार, गंगाधर घोंगडे, मुख्याध्यापिका शेंडे, शिक्षिका तंगडपल्लीवार, बोरसरे, दुर्गे, सोनटक्के, दूधबावरे उपस्थित होते.

सदर कार्यक्रमाप्रसंगी इयत्ता २ री ते ७ वी च्या मुलांनी राष्ट्रपिता महात्मा गांधी व लाल बहाद्दूर शास्त्री यांच्याविषयी मोठ्या उत्साहाने भाषणे दिली. सर्व विद्यार्थी व शिक्षकांच्या उपस्थित सदर कार्यक्रम उत्साहात पार पाडण्यात आला. कार्यक्रमाचे संचालन शिक्षक दूधबावरे प्रास्ताविक व आभार शिक्षक बोरसरे यांनी मानले.