महत्वाच्या बातम्या

विद्यालयामध्ये शिक्षणासोबत राष्टसंत तुकडोजी महाराज यांच्या विचाराला प्राधान्य द्यावे : खा. रामदास तडस

- राष्ट्रसंत तुकडोजी महाराज विद्यालय प्रताप नगर, वर्धा येथे भूमीपूजन समारंभ संपन्न.

- खासदार स्थानिक विकास निधीतून दोन वर्गखोल्यांचे होणार बांधकाम.

विदर्भ न्यूज एक्सप्रेस

प्रतिनिधी / वर्धा : महाराष्ट्रातील एक आधुनिक संत, कवी व समाजसुधारक राष्ट्रसंत तुकडोजी महाराज यांचे नाव शाळेला असुन राष्ट्रसंत तुकडोजी महाराज विद्यालय ही शाळा परीसरातील गरीब व गरजु विद्यार्थ्यांना शिक्षणाचे महत्वाचे कार्य करीत आहे, राष्ट्रसंत तुकडोजी महाराज यांच्या विचारातुन प्रभावीपणे सांगितले की, विद्यार्थिदशेतील मुले-मुली यांच्या विकासावर भर द्यावा, फक्त उच्च शिक्षण नव्हे तर कष्टीक आणि बलवान विद्यार्थी घडावा यासाठी प्रयत्न करणे गरजेचे आहे. या विद्यालयामध्ये सुध्दा शिक्षणासोबत राष्टसंत तुकडोजी महाराज यांच्या विचाराला प्राधान्य द्यावे, असे प्रतिपादन खासदार रामदास तडस यांनी यावेळी केले व यापुढेही विद्यालयाचे दर्जा वाढीसाठी वेळोवेळी मदत करण्याची ग्वाही दिली.

वर्धा लोकसभा मतदार क्षेत्राचे खासदार रामदास तडस यांच्या स्थानिक विकास निधी अंतर्गत दोन वर्ग खोल्या व सभागृहाचे भूमिपूजन समारंभ खासदार रामदास तडस यांच्या हस्ते संपन्न झाला. या कार्यक्रमाला अध्यक्ष म्हणून आमदार डॉ. पंकज भोयर उपस्थित होते तर प्रमुख पाहुणे भरत वणझारा (अध्यक्ष हुत्तामा स्मारक समिती, आष्टी प्रा. विनायक पारे (माजी अध्यक्ष) अरविंद मालपे (माजी अध्यक्ष) व हुतात्मा स्मारक समितीचे सर्व पदाधिकारी तसेच राजीव ढोले मुख्याध्यापक उपस्थित होते.

अध्यक्षीय भाषणातून आमदार डॉ. पंकज भोयर यांनी शासनाचे उपलब्ध निधीतून सातत्याने मदत करण्याचे आश्वासन दिले. या प्रसंगी विद्यालयातील मुख्याध्यापक आर.डब्ल्यू. ढोले व पर्यवेक्षक बाकडे यांच्या सेवानिवृत्तीनिमित्य खासदार रामदास तडस व आमदार डॉ. पंकज भोयर यांचे हस्ते शाल व श्रीफळ देऊन सपत्निक सत्कार करण्यात आला.

कार्यक्रमाचे प्रास्ताविक विद्यालयातील जेष्ठ शिक्षक उमरकर यांनी केले. कार्यक्रमाचे संचालन नागतोडे यांनी केले तर आभार मालपे यांनी मानले. कार्यक्रमाच्या यशस्वीते साठी विद्यालयातील सर्व शिक्षक व शिक्षकेतर कर्मचारी त्यांनी सहकार्य केले. कार्यक्रमासाठी विद्यालयातील माजी मुख्याध्यापक व शिक्षक मोठ्या संख्येने उपस्थित होते.