जेईई अ‍ॅडव्हान्स मध्ये चंद्रपूरचा देशात डंका , बल्लारपूर येथील कार्तिकेय गुप्ता देशात पहिला


विदर्भ न्यूज एक्सप्रेस 
प्रतिनिधी / चंद्रपूर : 
इंडियन इन्स्टिट्यूट ऑफ टेक्नॉलॉजी रुडीकेने घेतलेल्या जेईई अ‍ॅडव्हान्स परीक्षेचे निकाल जाहीर झाले आहेत. या परीक्षेत  बल्लारपूर येथील रहिवासी   कार्तिकेय गुप्ता देशात पहिला आला आहे. त्याला १०० पर्सेंटाइल मिळवले आहेत. या आधीही जेईई मेन परीक्षेत १०० पर्सेंटाइल मिळवून तो देशात १८ वा आला होता. तर महाराष्ट्रात दुसरा आला होता. कार्तिकेयने यावर्षीच इयत्ता १२ वीच्या परीक्षेत ९३.७ टक्के गुण मिळविले आहेत. 
कार्तिकेय अवघ्या १७ वर्षाचा असून त्याने जेईई अ‍ॅडव्हान्स  परीक्षेत ३६० पैकी ३३७ गुण मिळविले आहेत. कार्तिकेयचे वडील चंद्रेश गुप्ता पेपर इंडस्ट्रीमध्ये मॅनेजर असून आई पूनम गुप्ता या गृहिणी आहेत. जेईई अ‍ॅडव्हान्स  परीक्षा २७ मे रोजी झाली होती. या परीक्षेला देशभरातून २.४५ लाखाहून अधिक विद्यार्थी बसले होते.  
जेईई अ‍ॅडव्हान्स परीक्षेचा निकाल लागल्यानंतर कार्तिकेयने आनंद व्यक्त केला. निकाल चांगला लागेल हे माहीत होतं. पण देशातून पहिला येईल असं वाटलं नव्हतं, असं सांगतानाच विचारपूर्वक परीक्षेची तयारी केली आणि नियमित क्लासला जाण्याबरोबरच ६ ते ७ तासांचं शेड्यूल तयार करून अभ्यास केल्यानेच हे यश मिळाल्याचं कार्तिकेयनं सांगितलं. 
 

देशातील दहा टॉपर 

कार्तिकेय गुप्ता (महाराष्ट्र), हिमांशू गौरव सिंह (दिल्ली), अर्चित बुबना (दिल्ली), गिलेला आकाश रेड्डी ( हैदराबाद), बत्तीपति कार्तिकेयन (हैदराबाद), निशांत अभंगी (दिल्ली), कौस्तुभ दिघे (महाराष्ट्र), थिवेश चंद्र एम (हैदराबाद), ध्रृवकुमार गुप्ता (दिल्ली) आणि शबनम सहाय (महाराष्ट्र) 
 



  Print






News - Chandrapur | Posted : 2019-06-14






Related Photos