पयडी येथील वन हक्कांच्या पट्ट्या संदर्भातील अडचणी दूर करा : आमदार डॉ. देवराव होळी
- पयडी येथील अतिक्रमणधारक व अन्यायग्रस्त लोकांना घेऊन उपविभागीय अधिकाऱ्यांकडे बैठक
विदर्भ न्यूज एक्सप्रेस
प्रतिनिधी / गडचिरोली : पयडी येथील आदिवासी बांधव पारंपारिक रीतीने वन जमिनीवर अतिक्रमिन करून केलेल्या अनेक वर्षांपासून शेती करीत आहेत. मात्र त्या संदर्भातील असणाऱ्या पुराव्यांच्या अभावामुळे येथील आदिवासी बांधवांना अजूनपर्यंत वन जमिनीचे पट्टे मिळालेले नाही, त्यामुळे त्यांच्या वन पट्ट्याच्या संदर्भातील असणाऱ्या अडचणी व कागदपत्रांची पूर्तता कशी करता येईल याबाबत तातडीनं कार्यवाही करावी असे निर्देश आमदार डॉ. देवराव होळी यांनी उपविभागीय अधिकारी गडचिरोली यांच्या कार्यालयात झालेल्या बैठकीत उपस्थित अधिकाऱ्यांना दिले.
आमदार डॉ. देवराव होळी यांनी उपविभागीय अधिकारी गडचिरोली यांचे कार्यालयात पयडी येथील लोकांच्या उपस्थितीमध्ये बैठकीचे आयोजन केले.
यावेळी नायब तहसिलदार मोहरे यांच्या समक्ष कागदपत्रांसंदर्भात व असणाऱ्या पुराव्यांच्या त्रुट्या संदर्भात त्यांना गावकऱ्यांना माहिती दिली. लवकरच या संदर्भात त्रुटी असणाऱ्या पुराव्यांची पूर्तता करून घेण्यासंदर्भात शासन स्तरावरून प्रयत्न करावे असे आमदार महोदयांनी उपस्थित उपविभागीय अधिकारी कार्यालयातील अधिकाऱ्यांना निर्देश दिले.
News - Gadchiroli