लाचलुचपत प्रतिबंधक विभागाच्या पथकावर ठाणेदाराचा गोळीबार, एक कर्मचारी जखमी


विदर्भ न्यूज एक्सप्रेस 
प्रतिनिधी /  अकोला
: लाचखोरीसंदर्भातील कारवाई करण्यासाठी गेलेल्या पथकावर पिंजरच्या ठाणेदाराने गोळीबार केला. यात लाचलुचपत प्रतिबंधक विभागाचा एक कर्मचारी जखमी झाला आहे. सदर घटना  बुधवारी सायंकाळी घडली. 
 ठाणेदार नंदकिशोर नागलकर याने कार्यभार सांभाळल्यानंतर त्याच्याविषयी वरिष्ठ स्तरावर तक्रारी करण्यात आल्या. एकाने लाचखोरीचीही तक्रार दाखल केली. त्यातील सत्यता पडताळून पाहिल्यानंतर पथकाने सापळा रचला. सायंकाळी ५ वाजताच्या सुमारास आपल्यावर कारवाई होणार असल्याची कुणकुण लागताच ठाणेदार पिंजरकर याने लाचलुचपत प्रतिबंधक विभागाचे सचिन धात्रक यांच्यावर गोळी झाडली. या घटनेची माहिती मिळताच अमरावती परिक्षेत्राचे विशेष पोलिस महानिरीक्षक मकरंद रानडे, पोलिस अधीक्षक एम. राकेश कलासागर, अतिरिक्त पोलिस अधीक्षक विक्रांत देशमुख यांच्यासह पोलिस अधिकारी व कर्मचारी पिंजर येथे रवाना झाले.



  Print






News - Rajy | Posted : 2019-06-13






Related Photos