जिल्ह्याच्या विकासासाठी जिल्हा निर्माण समिती आणि १०० कोटींच्या निधीची शासनाकडे मागणी : पोलिस अधीक्षक बलकवडे


विदर्भ न्यूज एक्सप्रेस
प्रतिनिधी / गडचिरोली :
जिल्ह्यात नक्षली चळवळीमुळे रस्ते, पुल तसेच अन्य कामे करण्यास अडथळे येत आहेत. नक्षल्यांकडून वारंवार होणाऱ्या जाळपोळीमुळे कंत्राटदारही कामे बंद करतात. यामुळे कामाच्या ठिकाणी संरक्षण पूरवून कामे पूर्णत्वास नेण्यास पोलिस विभागस पूर्णपणे सहकार्य करीत आहे. जिल्हा विकासासाठी छत्तीसगड राज्याप्रमाणे जिल्ह्यातही जिल्हा निर्माण समिती तयार करावी तसेच १०० कोटींचा निधी द्यावा, अशी मागणी राज्य शासनाकडे केली असल्याची माहिती पोलिस अधीक्षक शैलेश बलकवडे यांनी पत्रकार परिषदेतून दिली.
जिल्हा निर्माण समितीचे अध्यक्ष जिल्हाधिकारी असतात तर पोलिस अधीक्षक आणि मुख्य प्रादेशिक वनसरंक्षक हे या समितीचे सदस्य असतात. जिल्ह्यात रस्ते, पुल, गोटूल निर्मिती तसेच अन्य कामे, सामुहिक विवाह सोहळे, जनजागरण मेळाव्यांमधून विविध साहित्यांचे वितरण करण्यासाठी शासनाने १०० कोटींचा निधी उपलब्ध करून द्यावा, अशी मागणी केली आहे, अशी माहिती पोलिस अधीक्षक शैलेश बलकवडे यांनी दिली.

पोलिस शिपायांच्या २२५ हून अधिक जागा भरणार

जिल्ह्यात पोलिस शिपायांच्या २२५ हून अधिक जागा पुढील काही महिन्यात भरल्या जाणार आहेत. या सर्व जागांवर जिल्ह्यातीलच उमेदवारांना स्थान दिल्या जाणार आहे. यामुळे पोलिस दल बळकट होईल, अशीही माहिती पोलिस अधीक्षक शैलेश बलकवडे यांनी दिली.



  Print






News - Gadchiroli | Posted : 2019-06-12






Related Photos