दहशतवादी आणि सुरक्षा दलांच्या जवानांमध्ये झालेल्या चकमकीत दोन दहशतवादी ठार


वृत्तसंस्था / श्रीनगर :  जम्मू आणि काश्मीरमधील शोपियां येथे दहशतवादी आणि सुरक्षा दलांच्या जवानांमध्ये झालेल्या चकमकीत दोन दहशतवादी ठार झाले आहेत. या दहशतवाद्यांकडून मोठ्या प्रमाणावर शस्त्रास्त्रे हस्तगत करण्यात आली आहेत. चकमकीनंतर परिसर मोकळा करून सुरक्षा दलाने येथे शोध मोहीम हाती घेतली आहे. ठार झालेल्या दहशतवाद्यांची ओळख पटवण्याचे काम सुरू आहे. या चकमकीनंतर परिसरातील इंटरनेट सेवा बंद करण्यात आली आहे. 
शोपियां जिल्ह्यातील अवनीरा गावात सोमवारी संध्याकाळी काही दहशतवादी लपून बसले असल्याची माहिती सुरक्षा दलाला मिळाली. त्यानंतर सुरक्षा दलांनी सोमवारी रात्रीपासून शोधमोहीम सुरू केली. या दरम्यान दहशतवाद्यांनी जवानांवर गोळीबार करणे सुरू केले. या चकमकीत आज (मंगळवार) पहाटे दोन दहशतवाद्यांना कंठस्नान घालण्यात सुरक्षा दलाला यश आले.  



  Print






News - World | Posted : 2019-06-11






Related Photos