कठुआ बलात्कार आणि खूनप्रकरणी , सहापैकी तीन आरोपींना जन्मठेप, तिघांना पाच वर्षांची कोठडी


वृत्तसंस्था / पठाणकोट :  जम्मू-काश्मीरमधील कठुआ येथे आठ वर्षांच्या मुलीवर झालेला बलात्कार आणि तिच्या खूनप्रकरणी पठाणकोट कोर्टाने दोषी ठरवलेल्या सहापैकी तीन जणांना जन्मठेपेची  सजा सुनावली आहे.  या तिघांना कोर्टाने प्रत्येकी एकेक लाख रुपयांचा दंडही ठोठावला आहे. तर पुरावे नष्ट करण्याच्या आरोपाखाली  तीन पोलिसांना   पाच वर्षांची कोठडी ठोठावण्यात आली.   मुख्य आरोपी सांझी राम, परवेश कुमार आणि दीपक खजुरिया या तिघांना जन्मठेप  ठोठावण्यात आली. 
दरम्यान, आज सकाळी विशेष न्यायालयाने सात पैकी सहा आरोपींना दोषी ठरवले. विशेष न्यायालयाने सहापैकी तिघांना बलात्कार आणि हत्येप्रकरणी दोषी ठरवले. अन्य तिघांना पुरावे नष्ट करण्याच्या आरोपांत दोषी ठरवले. सांझी राम, परवेश कुमार, दीपक खजुरिया यांना ३०२ (हत्या), ३७६ (बलात्कार), १२० ब (कट रचणे), ३६३ (अपहरण) या कलमांतर्गत दोषी ठरवण्यात आले. पोलीस कर्मचारी आनंद दत्ता, सुरेंद्र कुमार, तिलक राज यांना २०१ (पुरावे नष्ट करणे) या कलमांतर्गत शिक्षा ठोठावण्यात आली. 
गेल्या वर्षी १० जानेवारीला ही देशाला सुन्न करणारी घटना घडली होती. कठुआ येथे एका आठ वर्षीय मुलीचे अपहरण करण्यात आले. त्यानंतर तिच्यावर बलात्कार आणि नंतर तिचा खून करण्यात आला होता. १७ जानेवारीला तिचा मृतदेह छिन्नविछिन्न अवस्थेत आढळला होता. देशभरात यानंतर संतापाची लाट उसळली होती. ठिकठिकाणी या मुलीला न्याय मिळावा या मागणीसाठी आंदोलने, निषेध मोर्चे निघाले. या प्रकरणी न्यायालयात १५ पानी आरोपपत्र सादर झाले. गेल्या वर्षी जून महिन्यापासून या प्रकरणाची सुनावणी पठाणकोटमधील जिल्हा आणि सत्र न्यायालयात सुरु होती. 
गुन्हे शाखेने या प्रकरणात गावचा प्रमुख सांजी राम, त्याचा मुलगा विशाल, अल्पवयीन भाचा, विशेष पोलीस अधिकारी दीपक खजुरिया आणि सुरेंदर वर्मा यांना अटक केली होती. सांझी राम या प्रकरणातला मास्टर माइंड होता.  



  Print






News - World | Posted : 2019-06-10






Related Photos