महत्वाच्या बातम्या

 सुरक्षित मातृत्व, शिशु पोषण व शालेय आरोग्यासाठी आरोग्यम नागपूर अभियान


- सॉम मॉम बालकांसाठी संदर्भित सेवा स्नेलन चार्टद्वारे नेत्रतपासणी

विदर्भ न्यूज एक्सप्रेस 

प्रतिनिधी / नागपूर : आरोग्य विभाग, महिला व बाल कल्याण विभाग, शिक्षण विभागाच्या समन्वयाने गरोदर माता, स्तनदा माता, शुन्य ते १९ वर्ष वयोगटातील लाभार्थीची आरोग्याची काळजी सातत्याने घेतल्यास वयोगटातील लाभार्थी आरोग्यदायी राहतील व सुजाण पालक बनतील. सुदृढ मुली, पो‍षित माता होतील व या माता सुदृढ बालकाला जन्म देतील. या उद्देशाने आरोग्यम नागपूर अभियान ची सुरुवात नागपूर जिल्ह्यात करण्यात आली आहे.

जिल्हातील गरोदर माता, स्तनदा माता, शुन्य ते १९ वर्ष वयोगटातील विदयार्थी आरोग्यदायी राहावे, या करीता आरोग्य विभाग, महिला व बाल कल्याण विभाग, शिक्षण विभाग या तीनही विभागाच्या समन्वयाने आरोग्यम नागपूर अभियान या अभियानाची सुरवात १३ एप्रिलपासून नागपूर जिल्ह्यात झालेली असून अभियानादरम्यान खालील चार प्रमुख विषयांवर लक्ष केंद्रीत केलेले आहे.

गरोदर मातांना सर्व आवश्यक आरोग्य सेवेंचा लाभ देऊन सुरक्षित मातृत्वाची खात्री करून देणे. स्तनदा मातांना प्रसुतीपश्चात सेवा देणे व कुटुंब नियोजनाबाबत जागृत करणे. शुन्य ते सहा वयोगटातील मुलांना कुपोषण मुक्त करणे. ६ ते १९ वयोगटामधील मुलांमुलींना आरोग्य सेवा व त्यांच्या इतर गरजांवर आधारित सेवा प्रदान करणे.

या अभियानादरम्यान गरोदर माता व स्तनदा मातांची आरोग्य तपासणी प्रत्येक महिण्याच्या ९ तारखेला सर्व प्राथमिक आरोग्य केन्द्र व ग्रामिण रुग्णालय येथे करण्यात येते. तसेच गरोदर माता, स्तनदा माता व त्यांचे कुटुंबातले सदस्याचे प्रत्येक महिन्याच्या २० तारखेला समुपदेशन करण्यात येते. शुन्य ते सहा वर्षाच्या बालकांची आरोग्य तपासणी करून त्यातील SAM/MAM बालक शोधून काढण्यात येतात. प्रत्येक SAM/MAM /SUW/MUW बालकांना आवश्यकता असल्यास CTC/NRC ला संदर्भित केल्या जाते.

६ ते १८ वयोगटातील मुलांची दर ६ महिन्यातून एकदा स्नेलन चार्टचा वापर करून डोळे तपासणी केली जाते. १० ते १८ वर्ष वयाची मुले व मुली यांचे दर सोमवारी प्रत्येक शाळेमध्ये समुपदेशन सत्र घेण्यात येते. समुपदेशन सत्रामध्ये समतोल आहाराचे महत्व, मासिकपाळीच्या वेळेस स्वच्छतेचे महत्व तसेच पौंगडाअवस्थेमध्ये होणारे शारीरीक व मानसिक बदल या विषयी समुपदेशन करण्यात येते.





  Print






News - Nagpur




Related Photos