तेलंगणाचे मुख्यमंत्री के. चंद्रशेखर राव यांची पोचमपल्ली गावापर्यंत पाहणी


विदर्भ न्यूज एक्सप्रेस 
प्रतिनिधी / गडचिरोली :
गडचिरोली जिल्ह्याच्या सीमेवरील गोदावरी नदीवर उभारण्यात येणाऱ्या मेडीगड्डा-कालेश्वर या प्रकल्पाचा  तेलंगणचे मुख्यमंत्री के. चंद्रशेखर राव यांनी नुकताच दौरा केला. यावेळी त्यांनी महाराष्ट्राच्या हद्दीतील पोचमपल्ली गावापर्यंत येत पाहणी करून  गेले. 
सिरोंचा तालुक्यात तेलंगणच्या सीमावर्ती भागातून गोदावरी नदी वाहते. सिरोंचा तालुक्याला लागून गोदावरी नदीच्या पलीकडील कालेश्वर आणि मेडिगड्डा या दोन गावांदरम्यान  तेलंगणचे मुख्यमंत्री चंद्रशेखर राव यांचा हा महत्त्वाकांक्षी प्रकल्प असलेला मेडीगड्डा-कालेश्वर हा प्रकल्प आकाराला येत आहे.   तेलंगणमधली लाखो हेक्टर जमीन या प्रकल्पाच्या माध्यमातून ओलिताखाली येणार आहे. सिरोंचा तालुक्यात या प्रकल्पावरून आंदोलनेही झाली होती. हा विरोध झुगारून तेलंगण सरकारने दोन वर्षांपासून या प्रकल्पाचे बांधकाम सुरू केले आहे. केसीआर यांचे भाचे तथा तेलंगणचे माजी जलसंपदामंत्री हरीश राव यांनी या प्रकल्पासाठी सर्वाधिक मेहनत घेतली होती. राव यांनी महिन्यातून दोन-तीन वेळा सिरोंचाच्या सीमावर्ती भागाला भेट देत होते. प्रकल्पाच्या बांधकामासाठी आवश्यक सूचना देतानाच त्यांनी प्रकल्पाच्या पूर्णत्वासाठी प्रयत्न केले. 
 मुख्यमंत्री चंद्रशेखर राव हे सकाळी १० वाजता मेडीगट्टात दाखल झाले. प्रकल्पाच्या कामाची पाहणी करून कारने सिरोंचा तालुक्यातील पोचमपल्ली गावात दाखल झाले. या भागात प्रकल्पाच्या ठिकाणी पूल उभारण्यात येत असून त्याचे काम पूर्ण झाले आहे. पोचमपल्ली ते मेडीगट्टा यादरम्यान गोदावरी नदीचे पाणी थांबविण्यासाठी बांधकाम सुरू आहे.  या संपूर्ण परिसराची केसीआर यांनी पाहणी केली.



  Print






News - Gadchiroli | Posted : 2019-06-10






Related Photos