तुडुंब भरलेल्या बंदिस्त नालीतून वाहतांना आढळली मुलगी : भद्रावती येथील घटना
विदर्भ न्यूज एक्सप्रेस
प्रतिनिधी / चंद्रपूर : भद्रावती येथे एक मुलगी तुडुंब भरलेल्या बंदिस्त नालीतून वाहून जात होती. ती वाचवा वाचवा म्हणून टाहो फोडला आणि एक देवदूत येऊन तिला वाचिविले.
माहितीनुसार, २४ सप्टेंबर रविवार ला सायंकाळी ७ वाजताच्या सुमारास भद्रावती येथे अचानक मुसळधार पाऊस कोसळला तेव्हा भद्रावती येथील ८ वर्षाची बालिका बस स्थानक समोरील नाली मध्ये पडली व ती बंदिस्त नालीतून वाहून गेली. जवळपास ४०० ते ५०० फुट अंतरावर पाण्याच्या प्रवाहात वाहत गेली. तीने एका नाली वरील फरशीला धरून वाचवा- वाचवा म्हणून टाहो फोडला.
अशातच तिथे एक देवदूत अवतारला. ऑटो चालक छगन बुरडकर असे त्याचे नाव आहे. त्याला तिच्या हाताची बोट दिसली. त्याने लगेच तिच्या बोटांना पकडून बाकी लोकांना बोलाविले. त्याठिकाणी जमलेल्या लोकांनी नाली वरील सिमेंट काँक्रेटचे झाकण उचलून त्या मुलीला बाहेर काढले. मात्र यातून ती बालिका सुदैवाने बचावली.
News - Chandrapur