प्रत्येक गावाच्या विकासासाठी भरघोस निधी आणणार : आमदार देवराव होळी
- तांबाशी येथे आमदार देवराव होळी यांच्या हस्ते रस्ता बांधकामाचे भूमिपूजन
विदर्भ न्युज एक्सप्रेस
प्रतिनिधी / गडचिरोली : गडचिरोली विधानसभा क्षेत्रातील कोणत्याही गावाच्या विकासाला निधी कमी पडू देणार नाही. असे प्रतिपादन करीत प्रत्येक गावाच्या विकासासाठी आपण भरघोस निधी आणणारच असा विश्वास आमदार देवराव होळी यांनी तांबाशी येथील आमदार निधी अंतर्गत १० लक्ष रु. रस्त्याच्या बांधकाम भूमिपूजन कार्यक्रम प्रसंगी नागरिकांना दिला.
यावेळी चामोर्शी पंचायत समितीचे माजी सभापती तथा माजी तालुका अध्यक्ष आनंदजी भांडेकर चामोर्शी तालुका अध्यक्ष दिलीप चलाख, सरपंच अल्का धोडरे भाजप युवा मोर्चाचे अध्यक्ष प्रतीक राठी युवा नेते उमेश कुकडे यांच्यासह गावातील ग्रामपंचायत सदस्य, स्थानिक नागरिक, भाजप पदाधिकारी व कार्यकर्ते मोठ्या संख्येने उपस्थित होते.
गडचिरोली विधानसभा क्षेत्राच्या विकासाचा आपण वसा घेतलेला असून विधानसभा क्षेत्रातील कोणत्याही गावाला निधी कमी पडू देणार नाही. आता राज्यात भाजपा शिवसेना युतीचे सरकार असल्याने प्रत्येक गावाच्या विकासासाठी आपण भरघोस निधी आणू असा विश्वास आमदार देवराव होळी यांनी गावकऱ्यांना या कार्यक्रमाप्रसंगी दिले.
News - Gadchiroli