दहावीचा निकाल घसरला , नागपूर विभागाचा सर्वात कमी निकाल


विदर्भ न्यूज एक्सप्रेस 
प्रतिनिधी / गडचिरोली :
  आज दहावीचा निकाल जाहीर झाला असून नागपूर विभागाचा  दहावीचा निकाल सर्वात कमी म्हणजेच ६७. २७ टक्के इतका लागला आहे. गेल्या वर्षी म्हणजेच २०१८ या वर्षात नागपूर विभागाचा निकाल हा ८५.९७ टक्के इतका लागला होता. मात्र यावेळी या निकालात सुमारे १८.७ टक्के घसरण झाली आहे.   राज्याच्या एकूण निकालातही घट झाली आहे. राज्याचा निकाल हा गेल्यावर्षी ८९. ४१ टक्के लागला होता. जो आता ७७.१० टक्के लागला आहे. 
राज्याच्या निकालाचा विचार करता निकालाच्या टक्केवारीत १२.३१ टक्क्यांची घसरण झाली आहे. अभ्यासक्रम आणि परीक्षा पद्धतीत बदल झाल्यानंतर ही पहिलीच परीक्षा होती त्याचमुळे गुणफुगवटा आटला आहे अशी माहिती शिक्षण मंडळाच्या अध्यक्षा डॉ. शकुंतला काळे यांनी दिली.

२०१८ चा विचार करता इतर विभागांचीही टक्केवारी घटलेली दिसून येते. कोकणचा निकाल यंदा ८८.३८ टक्के इतका लागला. गेल्यावर्षी कोकण विभागाचा निकाल हा ९६ टक्के लागला होता. औरंगाबाद विभागाचा निकाल ७५.२० टक्के लागला आहे. २०१८ मध्ये औरंगाबादचा निकाल ८८.८१ टक्के लागला होता. पुणे विभागाचा निकाल यंदा ८२.४८ टक्के इतका लागला आहे. २०१८ मध्ये हे प्रमाण ९२.८ टक्के इतके होते. अशा रितीने सगळ्याच विभागांच्या निकालांमध्ये काही प्रमाणात घट झालेली बघायला मिळते आहे.



  Print






News - Gadchiroli | Posted : 2019-06-08






Related Photos