गहू व तांदूळ मोफत मिळणार

- मार्चचे शिधावस्तू वितरण

विदर्भ न्यूज एक्सप्रेस

प्रतिनिधी / नागपूर : राष्ट्रीय अन्नसुरक्षा अधिनियम २०१३ अंतर्गत नागपूर शहर पुरवठा विभागाच्या कार्यक्षेत्रातील पात्र सर्व कौटुंबिक शिधापत्रिकाधारकांना १ जानेवारी ते ३१ डिसेंबर २०२३ या कालावधीत अनुज्ञेय असलेले अन्नधान्य मोफत वितरीत करण्याचा निर्णय शासनाने घेतला असून माहे मार्च २०२३ करीता शिधावस्तू वाटपाचे परिमाण या प्रमाणे आहे.

प्राधान्य गट- प्रती व्यक्ती १ किलो गहु व ४ किलो तांदुळ मोफत वितरीत करण्यात येईल. अंत्योदय गट- प्रती शिधापत्रिका ५ किलो गहू, २५ किलो तांदुळ व ५ किलो मका मोफत दिल्या जाईल, तसेच प्रती शिधापत्रिका २० रुपये प्रमाणे एक किलो साखर वितरीत करण्यात येईल, असे अन्नधान्य वितरण अधिकारी यांनी कळविले आहे.