कोरची येथील बौद्ध झेंडा हटविण्यात येवू नये यासाठी ना. मंत्री धर्मराव बाबा आत्राम यांचेकडे बौद्ध समाजाचे निवेदन
विदर्भ न्यूज एक्सप्रेस
तालुका प्रतिनिधी / कोरची : येथील भुमापण क्रमांक ६०१ आराजी ३.६७ हेक्टर जमीन गावठाण असून येथे १०० हुन अधिक घरे आहेत. आजही घरांचे बांधकाम सुरू आहे. याच जागेवर हनुमान मंदिर आहे. याच जागेत मुख्य रस्त्याच्या कडेला ६२५ फुटात मागील ७०-७५ वर्षापासून बौद्ध झेंडा आहे. या ठिकाणी तेव्हापासून आजपर्यंत नियमित डॉ बाबासाहेब आंबेडकर आणि तथागत गौतम बुद्ध यांच्या जयंती/ पुण्यतिथी चे कार्यक्रम आयोजित करण्यात येत आहेत. याच जागेवर नगरपंचायत ने बाजार संकुलाचे बांधकाम करण्याचे ठरविले आहे. बाजार संकुलाच्या बांधकामात बौद्ध झेंडा अडसर येत आहे त्यामुळे झेंडा हटविण्यात यावे. नाही तर बुलडोझर लावून आम्ही हटवू असे मुख्याधिकारी यांनी बौद्ध समाजाला सांगितले. हा झेंडा तिथून हटविल्यास दुसरीकडे जागा देण्यास तयार नाही.
त्यामुळे ज्या ठिकाणी झेंडा आहे तिथून झेंडा हटविण्यात येवू नये. असे नगरपंचायत ला निर्देशीत करावे. या मागणीचे निवेदन ना. धर्मराव बाबा आत्राम हे कोरची तालुक्यात आढावा बैठक घेण्यासाठी आल्यानंतर बौद्ध समाजाच्या वतीने देण्यात आले.
News - Gadchiroli