महत्वाच्या बातम्या

 ७०-७५ वर्षापूर्वीचा बौद्ध झेंडा हटविल्यास आंदोलन करण्याचा इशारा


- बौद्ध समाज कोरचीचे नगरपंचायत, तहसीलदार, जिल्हाधिकारी, पोलीस अधिक्षक व पोलीसांना निवेदन

विदर्भ न्यूज एक्सप्रेस 

तालुका प्रतिनिधी / कोरची : कोरची येथील बाजार चौकातील बौद्ध झेंडा हटविण्याचे नगरपंचायतने ठरविले आहे. ते हटविण्यात येवू नये. बौद्ध झेंडा हटविल्यास आंदोलन केले जाईल असे  येथील बौद्ध समाजाने नगरपंचायतचे मुख्याधिकारी, तहसीलदार, जिल्हाधिकारी, पोलीस अधीक्षक यांना दिलेल्या निवेदनात म्हटले आहे. 

वृत असे की, येथील भूमापन क्रमांक ६०१, आराजी ३.६७ हेक्टर आर ही जागा गावठाण असून आठवडी बाजाराकरीता राखून ठेवण्यात आली आहे असे ७/१२ वर नमूद आहे. परंतु या जागेवर १०० पेक्षा लोकांनी अतिक्रमण करून घरे बांधून आहेत. याच जागेत हनुमान मंदिर आहे. याच जागेत मुख्य रस्त्याच्या कडेला २५×२५ फुट जागेत बौद्ध झेंडा आहे. आजच्या घडीला एखाद एकर जागा शिल्लक आहे. आजही लोकांचे घरे बांधण्याचे काम सुरू आहे. 

या शिल्लक राहिलेल्या एखादा एकर जागेवर नगरपंचायतने बाजार संकुलाचे बांधकाम करण्याचे ठरविले आहे. बाजार संकुलाचे बांधकाम करण्यासाठी बौद्ध झेंडा अडसर येत आहे. असे मुख्याधिकारी चे म्हणणे आहे. त्यामुळे रमाई महीला मंडळाच्या अध्यक्षा, सचिव व पाच सदस्यांना नगरपंचायत मध्ये ६ सप्टेंबर ला बोलावून बाजार संकुलाचे बांधकाम करण्यासाठी अडसर असलेल्या बौद्ध झेंडा हटविण्यात येणार आहे असे सांगितले. 

नगरपंचायत ने जर ७०-७५ वर्षापूर्वी चा बौद्ध झेंडा हटविला तर आंदोलन करण्यात येईल, असे निवेदन बौद्ध समाजाच्या वतीने नगरपंचायत चे मुख्याधिकारी, तहसीलदार, जिल्हाधिकारी, पोलीस अधीक्षक, पोलीस उपनिरीक्षक यांना निवेदन देण्यात आले.

निवेदन सादर करताना बौद्ध समाज कोरची चे अध्यक्ष गिरधर जांभुळे, सचिव शालीकराम कराडे, कोषाध्यक्ष मनोज टेंभुर्णे, राजेंद्र टेंभुर्णे, नरेश सहारे, जीवन भैसारे, अविनाश हुमने, कमलेश भाणारकर, चंद्रशेखर वालदे, चेतन कराडे, प्रशांत कराडे, नुपल साखरे, ईत्यादी समाज बांधव उपस्थित होते.





  Print






News - Gadchiroli




Related Photos