ग्रामीण व कृषी क्षेत्रात रोजगारनिर्मितीला माझे प्राधान्य असेल : नितीन गडकरी


विदर्भ न्यूज एक्सप्रेस 
प्रतिनिधी /  नागपूर :
देशासमोर रोजगार निर्मितीचे मोठे आव्हान आहे. त्यामुळेच पंतप्रधानांनी माझ्यावर विश्वास टाकून लघू व मध्यम उद्योग खाते दिले आहे. या विभागात काम करीत असताना ग्रामीण भाग व कृषी क्षेत्रात रोजगारनिर्मितीला माझे प्राधान्य असेल, असे नितीन गडकरी यांनी म्हटले आहे. अद्याप मी निश्चित ‘टार्गेट’ ठरविलेले नाही. मात्र रोजगारनिर्मितीचे या वर्षीचे आकडे नक्कीच बदललेले दिसतील, असा विश्वास केंद्रीय मंत्री नितीन गडकरी यांनी   व्यक्त केला.
 देशाच्या विकासात या उद्योगांचा मोठा वाटा आहे. एका अर्थाने हे उद्योग देशाच्या अर्थव्यवस्थेचा कणाच आहेत. या उद्योगांवर देशाचा विकासदर अवलंबून आहे. या विभागांमध्ये कामाची प्रचंड संधी आहे. या माध्यमातून देशाच्या अर्थव्यवस्थेचा विकास व ग्रामीण भागात रोजगारनिर्मिती हे माझे मुख्य उद्दिष्ट असेल.  या खात्याचा व्याप खूप मोठा आहे. या उद्योगांच्या उत्पादनांची निर्यात वाढली पाहिजे, असे सांगून गडकरी म्हणाले की, अद्याप मी निश्चित ‘टार्गेट’ ठरविलेले नाही. मात्र रोजगारनिर्मितीचे या वर्षीचे आकडे नक्कीच बदललेले दिसतील.मागील पाच वर्षांत देशातील महामार्गांच्या बांधकामाचा वेग वाढला आहे. सद्य:स्थितीत महामार्गांच्या बांधकामाचा वेग ३२ किलोमीटर दर दिवस असा आहे. सोबतच देशाच्या लोकसंख्येइतकी म्हणजे १२५ कोटी
झाडे महामार्गांच्या कडेला लावण्यात येतील, अशी घोषणाही त्यांनी केली. 



  Print






News - Nagpur | Posted : 2019-06-02






Related Photos